tlhIngan-Hol Archive: Sun Oct 15 21:02:15 2000
[Date Prev][Date Next][Thread Prev][Thread Next]
Re: nIn natlhlI' (was Re: DujwIj chu')
ja' SarrIS:
>> (jISov, jISov...SuD woj choHwI' lo'wI' 'e' Daqap.)
>
>SuDba'. reH lojtaH vay' Qaw'lu'pu'bogh.
jIyajbe'. naH vISopchugh, vIQaw'ta' qar'a'? 'ach latlh vIyoblaH. ngem
meQlu'chugh, lojbejtaH, 'ach reH loj'a'? ghobe'; cheghlaH ngem.
>tar mojchugh wutlh
>bIQ vaj wutlh bIQ Say' lIngbe'lu'. QaHbe' cham.
bISaghlaHbe'. bIQ lam watlhqa'moHlaHba' cham. wutlh bIQ tlhol Davoqqang'a'?
>*plutonium* HeghmoH law' Hoch HeghmoH puS. ngoD 'oHbe'.
ngoD 'oHbe'chu' jay'! 'ach taHmo' wIchvam, "plutonium" Hajlu'taH. "Funnel
web spider" HeghmoH law' "plutonium" HeghmoH puS. tar law' HeghmoH law'
"plutonium" HeghmoH puS. "plutonium" vIpIchbe'. maQmIgh ja'wI'pu' vIpIch.
>jaS bIHar chaq yajHa'wI' SoH.
jaS vIHarbe'. jaS jISovqu'. Qobbej woj, 'ach mIghbe'. lI'qu'. (cham
'Itlh DalajHa'chugh, qatlh DaHjaj cham Dalaj?)
>*methane* *alcohol* joq wIlInglaHbej 'ach DaHjaj nIn HoS
>wInatlhlI'bogh law' law' *methane* *alcohol* nIn
>wIlInglaHbogh law' puS.
DaHjaj teH. DaHjaj "petroleum" qutlh law' latlh qutlh puS. vaj
potlhqu'be' "alcohol" nIn 'ej "alcohol" nIn law' lInglu'be'. waghqu'DI'
"petroleum", qaqchoH latlh nInmey.
>pemHov HoS pol tI nIn. QIt vI'. nom
>HoS wInatlhlI'. machungHa'be'chugh Do'Ha'.
nom 'otlh HoS pol 'op tI. wej ben "algae" Qul be'nalwI' jup. (muja'ta' "I
work with pond scum.") lI' 'ach DaHjaj wagh.
>wIch wIrurchoH.
>telDu'qoq DIchenmoH 'ej DItuQ. mapuv 'ach pemHovDaq
>maSumqu'choH 'ej lagh'eghchoH telDu'qoqmaj 'ej mapumchoH.
pepuvQo' juja''a'?
>mapuvlaHbej, 'ach pemHov wIghoSbe'nIS. nom nIn wInatlhlI'.
>machoHnIS. machoHQo'chugh Do'Ha'.
toH, juja' neH pemHov yIghoSQo'. maj. pujchugh telDu'maj...maj. 'ach
telDu'maj DIDub qatlh 'e' Datuchlaw'?
cha' wIv DIghaj. 'Ivmaj wIvuSlaH pagh telmaj DIDublaH. mavuS'egh 'e'
vIHechbe'.
>yapHa'mo' 'ej DoghchoHmo' law' Heghpu'bogh tayqeq'a'mey.
>HeghmeH tayqeqmaj yIQaHQo'.
reH DaHjaj ghu' Dachoq DaneHlaw'. nucho' tayqeq chu' chaq 'e' vImaS. qo'
wItlholHa'moH vIneHbej! Ha', jo wIlo'! vay' wIlo'laHbe'chugh, jo lI'
'oHbe'. DI lI'be' 'oH neH.
>Dajatlh: lojDI' Duj QuQ nIn, qay'be'. pu'HIchwIj HoS
>wIlo'laH.
SoQvam vIjatlhbe', 'ach tlhoS teH. tlhoy waghDI' "petroleum" nIn, latlh
nIn wIlo'choH. 'utbe' "petroleum". DaHjaj "petroleum" qutlh law' HochHom
qutlh puS, vaj DaHjaj "petroleum" lo'beH nughmaj.
cha'vatlh ben "petroleum" lo' pagh. tar 'oH neH. ngengmey watlhHa'moH neH.
nIn moj 'e' Sov pagh. cha'vatlh nem nuq wIlo'choHpu'? Sov pagh, 'ach
rejmorgh jIHbe'. choHbe' qo' 'e' vIqapbe'. choH vIlajchu'. yInwIj
Dubbogh choH vIparHa'chu'!
>> muD QIHbe' woj choHwI'.
>
>*Chernobyl*nganpu' yIja'.
'ej "Bhopal" DabwI'pu', 'ej "coal" tlhIlwI'pu', 'ej "China" tlhoy''a'
chenmoHwI'pu', 'ej "Amazon" ngem Ha'DIbaHmey, 'ej...
QapHa'chugh vay', QoblaH. pImbe' woj choHwI'.
toH, pImlaH 'op woj choHwI'. Duy' "Chernobyl" qech. QIp 'ej jIv 'op
QulwI'pu'. chIch chach patmey Qotlh. woj choHwI' lughor 'e' lunID jay' --
'ej Do'Ha' Qap.
>toH! Dogh Hoch qum Hoch woQ je. valchu' chamwI'pu' neH.
vanglaHchugh chamwI'pu', janmey Dun mIwmey Dun 'oghlaH. 'ach pIj nIS qum.
puvbogh Duj 'oghbe' qummey. "Digital watch" 'oghbe' qummey. "Aluminum"
lo'qa'ghach 'oghbe' qummey.
nugh QanmeH qum chen qum. Do'Ha' motlh Sach qum 'ej choq'eghchoH neH.
>nISbe' woQ Dogh, Hoch Seng tI' chamwI'pu'. Daj qo'qoq
>Danajbogh. Sengvam lIngpu' chamwI'pu'. qay'bej.
Qo'! Sengvam lIngpu'bej qummey. woQ bItmoH cham HoSghaj. chu'chugh,
Qobba'! HatnIS! HeghmoHlaH -- yIHotQo'! wejpuH.
>> ngoDHeywIj
>> vImuchlaH neH. qaSbej choH'a' 'e' 'ang qun 'e' vIlegh jIH.
>
>qun vIleghDI' Heghpu' *Inca*ngan tayqeq, *Rome*ngan tayqeq,
>*Egypt*ngan tayqeq *Greek* tayqeq je 'e' vIlegh jIH. reH
>taHtaH wo'meyvam 'e' Harbej Hoch tayqeq 'ej reH mataHtaH
>'e' DaHartaH SoH. qun buSHa' 'Iv? ghur tayqeqmaj yIn 'e'
>vISIgh 'e' vInID neH.
ghobe'! choyajHa'chu'pu'. reH taH vay''e' 'e' vIvoq. qun yInuDqa':
Heghbogh Hoch tayqeqvam rar wa' ngoD Daj. ghur 'e' mev Hoch. ghur
tayqeqmaj yIn DaneHchugh, ghur tayqeqmaj'e' 'e' yIchaw'! nIn wIlo' 'e'
yIvuSQo'. Sermaj yIvuSQo'. 'Ivmaj yIvuSQo'. Domaj yIvuSQo'. maqetchu'
'e' yIchaw'! mapuvchu' 'e' yIchaw'! mayInchu' 'e' yIchaw'!
>Hoch Seng tI'laH *Rome*ngan 'e' Har *Rome*ngan. HIq bIQ je
>vutDI' *lead* lo'. maw'choH DevwI'pu'. qay'bej. DaH *Rome*
>tayqeq wISammeH wutlh wIQul.
Dev "Rome" DevwI'qoq 'e' lumev. SaH'egh nuv 'e' chaw' 'ej wo' SaH 'e'
qapbe'. ghIq tugh SachHa' wo'. tagha' Dej. 'ach mevbe' tayqeq; DaHjaj
naDev maH'e'. qo'maj SIghqu'bej "Rome" -- "railroad" lut DaSov'a'? law'
SIghbogh ghu', 'ach lut vInapmoH: "rail" joj chuq moj "chariot" rutlh joj
chuq.
>Hoch Seng tI'laH chamwI'pu' 'e' DaHar. chaq pemHov wIghoS
>'ej pujchoH telpu'qoqmaj.
pagh chaq telna' HoS DIchenmoH. manID 'e' yIbotQo'.
tera' luSuq yoHHa'wI'pu'. Hovmey Suq latlhpu'.
>puqpu' vIghajbe'. ghaytan nIn wInatlhchu'pa' jIHegh. jIHvaD qay'be'.
"petroleum" wInatlhchu'pa', qaSpu' wa'vatlh vaghmaH DIS. HochvaD qay'be'.
lojpa' "petroleum", cho'bej latlh nIn. taHba' tayqeq.