tlhIngan-Hol Archive: Sat Nov 25 06:41:25 2000
[Date Prev][Date Next][Thread Prev][Thread Next]
RE: tlhIngan Hol ghojqang jupwI'
- From: "De'vID" <[email protected]>
- Subject: RE: tlhIngan Hol ghojqang jupwI'
- Date: Sat, 25 Nov 2000 09:40:54 -0500
- Importance: Normal
Clayton Rodrigo Cardoso:
> tlhIngan Hol ghojqang maqochwI'. vIghojmoH neHchu' 'a
> tlhIngan Hol jatlhwI' po'qu' jIHbe'.
ram. jIpo'qu'be' je 'ach bangwI' vIghojmoHtaH. pIj mu'mey
vISovbe' qoj vIqawlaHbe', 'ach maghojtaHvIS matIv'eghqu'.
> pab vIyajlaw' 'a mu'mey law' vISovbe'.
mu'mey law' lutu'lu'. 'utbe' HochHom. ja'chuqmeH yaplaw'
mu'tay'lIj. yIHon'eghQo'! tlhIngan maH! (tlhIngan
Hol jatlhwI' maH!)
> ghaHvaD nuq vIchup 'e' boqeS? qaStaHvIS poH
> nI'qu' jabbI'IDghomvam vItu' 'ej jabbI'IDghomvammo' Dochmey
> law''e' lungaSbe'bogh tlhIngan Hol mu'ghom vIghoj. vIghojmoHmeH
> tlhIngan Hol mu'ghom, pojwI', latlh De' vISamta'bogh je vIlo'.
/The Klingon Way/, /Klingon for the Galactic Traveller/ Daghaj'a'?
chu'bogh mu'mey law' ngaS /KGT/.
> jabbI'IDghomvam muv 'e' vIchuplaH'a'? tlhoy paS 'e' boHar'a'?
muv 'e' yItungHa'! taghDI', /digest mode/ lo'laH. po'choHDI',
Hoch jabbI'ID laDchoHlaH. muvchugh po'choHbej.
muvpu'be' bangwI', 'ach ghaHvaD jabbI'IDmey Daj vIngeH.
muv 'e' vIchup 'ach Do'Ha' neHbe'. 'ach QoQ parHa', vaj
vIghojmoHmeH, {Qoy qeylIS puqloD} bom vIlo'.
Dochmey'e' parHa'bogh maqochlI' Danej 'ej DaghojmoHmeH
Dochmeyvam tIlo'. 'e' vIqeS.
> noH mu'mey, Ha'DIbaHmey pongmey, Sormey pongmey, motlhbe'bogh
> latlh mu'mey je lungaS mu'tay' vISovchu'be'bogh, 'ach wej
> 'utlaw' mu'meyvam. vuDraj vIpIH.
vaj vuDwIj qanob.
--
De'vID
--
tlhIngan-Hol FAQ and unsubscribe instructions:
http://www.bigfoot.com/~dspeers/klingon/faq.htm
To unsubscribe, send e-mail to [email protected]