tlhIngan-Hol Archive: Fri Nov 17 12:54:28 2000
[Date Prev][Date Next][Thread Prev][Thread Next]
mumoghmoHbogh meq
- From: "William H. Martin" <[email protected]>
- Subject: mumoghmoHbogh meq
- Date: Fri, 17 Nov 2000 15:54:08 -0500 (Eastern Standard Time)
- Priority: NORMAL
yaHDaq latlhpu' vIQaH. QaHwI' jIH. Qu'wIj 'oH. nap. roD
Qu'vam vItIv.
juHDaq latlhpu' vIQaH. QaHwI' jIH. roD Qu'vam vItIv.
rut vIQaHlaHbe' 'ej jImoghchoH. rut QIpbej nuvpu'
vIQaHbogh. reH ngoDvam vIbuSHa' 'e' vImaS 'ach rut
tlhoy QIpba'mo' qoHpu'na'vam, ngoDvam vIbuSHa'laHbe'.
qaSDI' ghu'vam 'upba' Qu'wIj 'ej jImoghchoHchu'.
muwuvtaHmo' jIlwI', rut Qu'mey munob. roD qay'be' 'ach rut
qay'chu' 'ej muwuvlaHtaH vIneH, 'ach rut tlhoy Qatlh. rut
jIDoy'. rut jIboH. rut jIqej.
qejDI' HochHom, bangDajvaD QIjlaH. jIja''eghnIS neH. latlh
tu'lu'be'. loS pa' reDwIj neH vIja'.
bech SoSwI' 'ej bech 'IrneH 'ej jIbech.
vI'uchlu' vIneH 'ach jIqejtaH neH.
DaHjaj ram jImI'qa'. jIloSnIS. jIloStaHvIS jIqejlI'.
SarrIS