tlhIngan-Hol Archive: Wed May 03 10:05:10 2000

Back to archive top level

To this year's listing



[Date Prev][Date Next][Thread Prev][Thread Next]

jabbI'IDghom HIvje' bom naQ (was *UNSUBSCRIBE* bom.)



tetlhvo' HIteq!
DaH 'e' ta'chu'.
tuteqbe'chugh
SanuQtaHqu'
[bom tlhegh wa' qon 'angghal]

tetlhvo' HIteq!
Dochvam vImuS
Holllj mIS law'
HolwIj mIS puS.
[bom tlhegh cha' qon 'angghal]

tetlhvo' HIteq!
qoHmo' HIQaH.
bInIDbe'chugh
reH jIvIngtaH.
[bom tlhegh wej qon 'angghal]

tetlhvo' HIteq!
ghIq jImevbej.
DaHjaj DatI'
wa'leS jImej.
[bom tlhegh loS qon 'angghal]

tetlhvo' HIteq!
ja' QIn wa'DIch
'ach vIpolbe'.
qatlh jIH tupIch?
[bom tlhegh vagh qon tuv'el]

tetlhvo' HIteq!
mIw QIjchu' *FAQ
jIyaj 'ach QapHa'
*Holtej!  yIraQ!
[bom tlhegh jav qon De'vID]

tetlhvo' HIteq!
Sayajbe'chu'.
lI'be' QInraj.
SuQIpba'qu'.
[bom tlhegh Soch qon ghunchu'wI']

tetlhvo' HIteq!
HIbuSHa'Qo'.
tetlhraj jISoD
tuma'be'mo'.
[bom tlhegh chorgh qon ghunchu'wI']

tetlhvo' HIteq!
jImuvta'DI'
QaghwIj vItlhoj.
jIbechqu'lI'.
[bom tlhegh Hut qon ghunchu'wI']

tetlhvo' HIteq!
jIteq'eghbe'.
'ach mIwmey lugh
vIpabbe' je.
[bom tlhegh wa'maH qon ghunchu'wI']

tetlhvo' HIteq!
jIDochbe'ba'.
wa' Doch vIneH:
ghom vImuvHa'.
[bom tlhegh wa'maH wa' qon ghunchu'wI']

tetlhvo' HIteq!
malaw'choHlaw'.
mej neHDI' latlh
vItlhej.  maHaw'.
[bom tlhegh wa'maH cha' qon ghunchu'wI']

tetlhvo' HIteq!
lIteq neH je latlh.
reyajbe' jay'.
chatlh neH bojatlh.
[bom tlhegh wa'maH wej qon HovqIj]

tetlhvo' HIteq!
Hol vIHaDQo'.
Sumughbe'chugh
HImejmoH. Satlho'.
[bom tlhegh wa'maH loS qon HovqIj]

tetlhvo' HIteq!
Hov leng vIparHa'
'ach Holna' jatlhwI'
vIvuvbe'ba'.
[bom tlhegh wa'maH vagh qon HovqIj]

tetlhvo' HIteq!
Holqoqvam naS
vIHaDtaHQo'.
Hegh nI' vImaS.
[bom tlhegh wa'maH jav qon qenobIywan]

tetlhvo' HIteq!
tlhIHvo' jIcheH.
tlhIngan jIHbe'.
yIHna' jIH neH.
[bom tlhegh wa'maH Soch qon qenobIywan]

tetlhvo' HIteq!
'aDmeywIjDaq
vIHbe' vaj 'Iw.
bIQwIj yIvaq!
[bom tlhegh wa'maH chorgh qon qenobIywan]

tetlhvo' HIteq!
bIQ ngaS HIvje'.
vay' tucha''a'?
jIlaDlaHbe'.
[bom tlhegh wa'maH Hut qon tuv'el]

tetlhvo' HIteq!
lurSa' ngech 'IH
vIleghlaHmeH
vImuv neH jIH!
[bom tlhegh cha'maH qon tuv'el]



Hoch bom mu' bIH 'e' vIHar.  qar'a'?

- tuv'el




Back to archive top level