tlhIngan-Hol Archive: Wed Mar 08 20:51:14 2000

Back to archive top level

To this year's listing



[Date Prev][Date Next][Thread Prev][Thread Next]

Re: SI'ra, the unexperienced witch



On Sat, 4 Mar 2000 02:02:57 +0100 Christiane Scharf 
<[email protected]> wrote:

> Dalmo' DaHjaj, lut vI'ogh 'e' vIwuq.
> 
> I'm bored. So I decided to write a little story. It's about young SI'ra, who
> has the potential to become a powerful witch, but who still needs a lot of
> experience.
> 
> le' SI'ra. laH nIvqu' ghajba'. bomHey le' bomDI', Dochmey Ha'DIbaHmey nuvpu'
> joq SIghlaH. 'ach Qup SI'ra. wej laHvam SeHlaHchu'. vaj rut Qagh. QaghDI'
> SI'ra, ghaHvaD pIj qay'qu'choH ghu'. wa' qay'chu'bogh ghu' vIDel.
> 
> qaStaHvIS ram bIr, QongDaqDaq Qot SI'ra. 'ach bIrmo' pa' muD, QonglaHbe'.
> vaj bom le' bom. jatlh:
> 
> <<bIrqu' muD 'e' vInoH.
> pa', qara', yItujchoH!>>
> 
> jatlh SI'ra 'e' mevDI', SIbI' tujchoH muD. QuchchoH SIra'. QongchoH.
> 
> 'ach QongtaHvIS SI'ra, tujchoHtaH muD. 'ej tujchoH latlh Dochmey je: tujchoH
> raS, tujchoH quSmey, tujchoH paqmey, tujchoH Hoch. tujchoHtaH.
> 
> pay' vem SI'ra. tlhIch He'.

tlhIch largh. He' tlhIch. pIm cha' mu'meyvam. yIghoj.

'ach lutvam vItIvlI'... jIlaDqa'...

> tujchoHtaH Hoch, 'ej meQchoHpu' paqmey law' cha'
> yIvbeHmey je!
> nom Sach qul. rav meQmoH. tlhoy'mey toS. quSmey Sop 'e' nIDba'.

pavchoH ghu'. SIbI' latlh bom bomnISba'.
 
> QIt ghu' tlhojchu' SI'ra. Do8'Ha' qul HoHmeH jan ghajbe'. Do'Ha' bIQ
> SIchlaHbe'. vaj bomnISqa' 'e' wuq. wej ghu'vamvaD bomna' Sovmo' SI'ra, nom
> bom 'oghnIS. nID. jatlh:
> 
> <<tuj qul je vISIQ.
> vIneHbe'. vaj pa', yIyIQ!>>

taQ bomvam 'ach chaq Qap. latlh vIchup:

<<pa'wIjDaq qul vIneHbe'.
yIlojchoH Hoch tlhIch qul je.>>

pupbe' QIch 'ach yIQchoH HochwIj vIneHbe'bej!
 
> Qaplaw' bomvam. paw bIQ law'. qul Suv bIQ. law'qu'mo' bIQ, qul jeychoH.
> jeghlI' qul. puSqu'choH meQlI'bogh Dochmey. tagha' yay chav bIQ.

*swim*laH'a' SI'ra?
 
> juHDaj toDta' SI'ra. 'ach pa'Daj Qaw'pu'. Duy'chu' Dochmey law'. ratlh
> chuvmey qIj neH. yIQqu' Hoch. bIQmo' Duy' 'ul lo'nISbogh janmey'e'.
> QIH'a'vam bej SI'ra. 'IQqu'. HoS law' natlhmo' bommeyDaj le', puj ghaH.

bIQ rur.
 
> 'ach pa' QIHHa' neH. wa'logh bom le' bommeH chaq yap HoSDaj. bom HoSghajqu'
> bomnISba'. wej bommey HoSghajqu' qeqpu' SI'ra, 'ach mu'mey Sov. vaj waH.

Qobba' ghu'vam.

> jatlh:
> 
> <<DaH mujchu' ghu'na'.
> qo' qa''a', qapoQ!
> ta' qab yIta'Ha'!
> lujwI'na' yIboQ!>>

mojaq {-neS} vIchup...
 
> rInDI' bom, pay' wov Hoch. Hurghqa'DI' pa', qaSpu' lot net HarlaHbe'bej.
> qay'be'qa' pa'. 'ach HoS law' natlhpu' bom Qav. ravDaq Qot SI'ra. vul.

taghDI' lut Qong neH SI'ra. tagh'a' ta'law'.
 
> SI'ra SoS vemmoHpu' wab. DaqchoH ghaH. pagh Qoy, 'ach muD Hujlu'law'pu'.
> Seng pIH SI'ra SoS. laH le' ghaj je ghaH: DujDaj'e' reH voqlaH.

puqbe'Daj Sovlaw'.
 
> vaj SI'ra pa' 'el. vul puqbe'Daj 'e' tlhoj. SIbI' QaH. Huvqa'DI' SI'ra yab,
> wanI'mey Del SIra' 'e' ra' SoSDaj. jatlh:<<lut naQqu' HIjatlh! bInep 'e'
> yInIDQo'! bInepDI' bInep 'e' vItlhoj. 'e' DaSovchu'.>> 'omlaHbe'mo' SI'ra,
> lut naQ jatlh.
> 
> QeHchoH SoSDaj. jatlh: <<qatlh bomvam HoSghajqu' Dalo''a'? HoSlIj Hoch
> natlhlaH bomvammey HoSghajqu' 'e' DaSovchu'. yInlIj potlh potlh pa'vam potlh
> ram. qatlh bIQIpqu'pu''a'?>>

not Qagh'a' SoSDaj? ghaytan QupDI' SoSDaj, SoSDaj'e' DaH 
rur SI'ra. Da je.
 
> Hub'egh SI'ra, 'ach ngachmeH SoSDaj po' law', ghaH po' puS. vaj SI'ra bIj
> SoS. qaStaHvIS cha' Hogh bommey le' lo' SI'ra 'e' tuch SoS. SI'ra nuQqu'
> bIjvam, Hoch Qu'mey ta'meH vumnISmo'. vay' Say'moHmeH vumnIS. pa'Daj
> ghIHHa'moHmeH vumnIS. DuSaQ Qu'meyvaD vumnIS. latlh Qu'meyvaD vumnIS je.
> jatlh: <<ghay'cha'!>>

buDlaw'.
 
> HovqIj

charghwI'




Back to archive top level