tlhIngan-Hol Archive: Sun Jan 30 00:59:09 2000
[Date Prev][Date Next][Thread Prev][Thread Next]
tlhIngan taj vIje'pu'
- From: [email protected] (qenobIywan)
- Subject: tlhIngan taj vIje'pu'
- Date: Sun, 30 Jan 2000 03:58:55 -0500 (EST)
cha' Hogh ret eBayDaq taj vIje'. taj DelDI' ngevwI', jatlh: <<taj--logh
poH--tlhIngan Doch rur>>. taj ngeH ngevwI', 'ej DaHjaj vIHev.
jIvumtaHvIS, juHwIjDaq qem HIjwI'.
pagh vI' Hut wa' 'uj 'ab taj. pagh vI' wa' vagh cheb ngI'. taj HoS 'oH.
chon taj 'oHlaw', 'ach jIwambe'. Sor Hap 'oH ret'aq'e'. baS 'oH moQ'e'
'ej mach. Do'Ha' DuQwI'Hommey ghajbe'. pagh vI' vagh Soch 'uj 'ab 'etlh.
wej jejqu', 'ach vIjejmoHlaH. 'ay'mey law' ghaj 'etlh; QIn vagh rur. vaH
ghaj je taj. DIr 'oH.
wa' Duy' neH ghaj taj. 'etlh DopDaq <<SINGAPORE>> ghItlhlu'. Do' mach
ghItlh.
mubelmoH tajwIj. tugh nuH bey' vIchenmoH vIneH. wejleS Daqtagh vIHev,
'ej ghIq chaq betleH vIje', Huch yap vIghajchugh.
mev jabbI'ID
---
reH taHjaj tlhIngan Hol...
Qapla'
qenobIywan