tlhIngan-Hol Archive: Wed Jan 26 19:42:24 2000
[Date Prev][Date Next][Thread Prev][Thread Next]
*Egypt*ngan Hol vIDelqa'
- From: [email protected]
- Subject: *Egypt*ngan Hol vIDelqa'
- Date: Wed, 26 Jan 2000 22:41:37 EST
vIghItlhta':
>loQ tlhIngan Hol pab rur.
va, loQ jImuj. pImba' Holmeyvetlh!
DIpmey ghajba' tlhIngan Hol. DIp 'oH Dol Daq Doch ghap
DeltaHbogh mu''e'. DIp'e' DaDelta'bogh Daqel
DaneHchugh, DIp lIw Dalo'laH. cha' Segh DIp lIw ghaj
tlhIngan Hol. Segh wa' 'oH moHaq'e' (jI-, Da-, lj). Segh
cha' 'oH mu'na''e' (jIH, SoH, lj).
DIp lIw ghaj je *Egypt*ngan Hol. wej Segh ghaj. Segh
wa' 'oH mojaq'e': <-i> (jIH),<-f> (loD ghaH),<-s> (be'
ghaH). wot vangwI', wot DoS je 'oS tlhIngan DIp lIw
moHaq, 'ach motlh wot vangwI' neH 'oS *Egypt*ngan DIp
lIw mojaq: <sDm.i> = jIQoy. DIp Dabogh wot'e'
("infinitive") ghaj *Egypt*ngan Hol, 'ej wotvetlh lo'lu'DI',
roD wot DoS 'oS DIp lIw mojaq. ghajbogh Dol je 'oS
mojaq: <pr.i> = juHwIj; <sA.f> = puqloDDaj.
Segh cha' 'oH mu'na''e': <wi> (jIH), <st> ('oH). wot DoS
neH 'oS mu'vam: <sDm.i st> = vIQoy. Segh wej 'oH
mu'na''e' je, 'ach pIm mu'meyvetlh, Segh cha' mu'mey je:
<ink> (jIH), <inn> (maH). ngu'bogh mu'tlhegh DaghItlh
DaneHDI', Seghvam Dalo'nIS: <ink sA.f> = puqloDlI' jIH.
-- ter'eS
http://www.geocities.com/teresh_2000
http://www.geocities.com/weseb_2000