tlhIngan-Hol Archive: Mon Jan 24 06:34:01 2000
[Date Prev][Date Next][Thread Prev][Thread Next]
*Egypt*ngan Hol vIDel
- From: [email protected]
- Subject: *Egypt*ngan Hol vIDel
- Date: Mon, 24 Jan 2000 09:33:25 EST
{nuj QIch} = consonant
{tlhuH QIch} = vowel
tlhIngan Hol tej jIH. roD tera'ngan Holmey vIQul.
DaH *Egypt*ngan Hol vIHaDtaH. qen tera' vISuch, 'ej
*Egypt* vISuch je. QaDqu' Sepvetlh; vulqan rur. pa'
not SIS. *Egypt*Daq voDleHmey ngech vISuch.
yoSvetlhDaq lom ngaSbogh pa''e' law' lutu'lu'.
ngo'qu' pa'meyvam; loS SaD ben chenmoH *Egypt*ngan
(vItoghmeH, tera' DIS vIlo').
naghmey beQ ngaS pa'meyvam, 'ej nagh beQDaq
*Egypt*ngan Hol mu'tlheghmey lughItlhlu'.
Dun Holvam ghItlhmeH mIw: mu' chenmoH
Deghmey. Dochmey Sar 'oS Deghmeyvetlh:
ghotpu', Ha'DIbaHmey, tI, porgh 'ay'mey, luch notlh
(nuHmey, janmey, Sut, lj).
nuj QIch 'oS Deghmeyvam. rut wa' QIch 'oS
(DeghvaD "alphabetic" lupong tera'ngan),
rut cha' QIch 'oS ("biliteral"), rut wej
QIch 'oS ("triliteral"). motlh mu' chenmoH
cha' wej ghap QIch 'oSbogh Degh'e', 'ej tlhej
wa' QIch 'oSbogh Deghmey'e'. motlh tlhej je Segh
'oSbogh Degh'e' ("determinative").
'ach tlhuH QIch 'oSbe' Deghmeyvam; nuj QIch
'oS neH. pagh tlhuH QIch 'oSmo', rut Qatlh
*Egypt*ngan Hol ghItlhmey. mu'tlheghvam taQ
yIbej: <nghmy bQ ngS p'myvm>. chaq Qatlh mu'tlheghvam
DalaDmeH Qu', 'ach ghaytan DalaDlaHbej. *Egypt*ngan
Hol mu'tlhegh rur mu'tlheghvetlh.
pIq *Egypt*ngan Hol pab vIDel. loQ tlhIngan Hol
pab rur!
-- ter'eS
http://www.geocities.com/teresh_2000
http://www.geocities.com/weseb_2000