tlhIngan-Hol Archive: Tue Jan 11 21:36:39 2000
[Date Prev][Date Next][Thread Prev][Thread Next]
Re: ngoQwIj
jIja'pu':
>Ha'DIbaH qu' luSevlu'meH jIghaq. Soj SuqmeH Hoch jIghaq.
ja' charghwI':
>ngoQmeyvamvaD jIghaq je, 'ach ghIq chay' jIvang? nIteb tIqwIj
>'anglaHbe' HuchwIj neH.
vaj poHlIj yIghaq je. wa' wen juH HutlhwI'pu'vaD jab be'nalwI';
jabtaHvIS ghaH puqpu' vI'av.
>> ngoQHommey law' vIghaj je net Sov, 'ach bIH ram law' qo' ram puS.
>
>jIQoch. yInwIj tIqwij je 'ang Hoch ngoQ. wa' jup vIQaHDI' qo'
>vIDub. vay' vIqIHDI' jImonlaH qoj jIDochlaH. loQ jIwuqDI' San
>vIchoH. rut choHvam vIyajlaHbe'. loQ jInabqang 'ach
>jInablaHchu'be'. rut jIQubnIS neH.
nIteb ngoQlIj'e' Danablaw' SoH neH. DuDevmeH ghItlh DaHutlhba'.
qaqeStaH 'e' vIngIlQo'; pIj ram lalDan. 'ach rut He chupmeH lI'qu'.
(taHta'chugh lalDan tIQ, chaq Qap He ngu'bogh.)
-- ghunchu'wI' 'utlh