tlhIngan-Hol Archive: Wed Feb 23 11:30:59 2000
[Date Prev][Date Next][Thread Prev][Thread Next]
Re: SarDan lut
- From: Robyn Stewart <[email protected]>
- Subject: Re: SarDan lut
- Date: Wed, 23 Feb 2000 11:32:20 -0800 (PST)
qIHchuqnISbej *wIyya* *SarDan* je. chaq lut le' wIqonmeH mayeqlaH
*Xardana* jIH je. qontaHvIS qoj lugh'eghmoHmeH ghItlh HotlhtaHvIS
*Xardana*, ghaH yep law' jIH yep puS, vaj lutmey laDlaHbogh nuv
DIlInglaH. :)
*Xardana*vaD, chu'wI'pu'vaD je vIQIj:
Satlh yuQDaq *wIyya* puqDaj je jon tlhInganpu'. jonqu'be', Sap
*wIyya*, 'ach meqDaj luyajbe'mo' mIS jonwI'pu'. wanI'mey SIQbogh
*SarDan* rur wanI'mey SIQbogh *wIyya*. *SarDan* qorDu' luHoHmo'
tlhInganpu', *SarDan* Do'Ha' law' *wIyya* Do'Ha' puS. Suvbe' *wIyya*
nugh. Huj lut. lut vIqonchoHDI', tlhInganpu' vIqel vIneHbe'.
tlhIngan 'u'Daq 'oHtaH *bemor*'e' vImuchmeH tlhIngapu' vIlIH neH. 'ach
pay' DawI'wI' potlh luqon. petaQ.
reH *Xardana* lut vIlaDDI' *bemor*nganpu'wI' vIqelqa'. ghorgh chaH?
chay' Qorgh tlhInganpu'?
=====
Qov - pab 'utlh
bI*yahoo* pagh bI*yahoo*be': jISaHbe' jIH.
__________________________________________________
Do You Yahoo!?
Talk to your friends online with Yahoo! Messenger.
http://im.yahoo.com