tlhIngan-Hol Archive: Mon Jan 31 23:19:05 2000
[Date Prev][Date Next][Thread Prev][Thread Next]
pa'HomDaq qa' tu'lu'
- From: Pam Felton <[email protected]>
- Subject: pa'HomDaq qa' tu'lu'
- Date: Tue, 01 Feb 2000 02:18:22 -0500
- References: <v0300780ab4bc0063804d@[209.71.52.90]>
teH lutvam. QelHom jIH 'ej qanqu'wI'pu' vIQorgh. qach tInDaq jIvum. pa' law'
ngaS qachvam. Sut ngaSmeH pa'Hom ngaS Hoch pa'. ramvam, jIvumtaHvIS, ghogh
motlhHa' vIQoy. SIDwI' ghogh 'oH. jachchu'pu' be'vam. pa'Daj vI'el.
jIjatlh <DujachmoH nuq? bI'oy''a'?>
jatlh <pa'HomwIjDaq be' tu'lu'! Sut chIS tuQtaH!>
pa'HomDaj vInuDpu'. pagh vIlegh.
jIjatlh <yIjot! chIm pa'HomlIj. yIvbeHmey yopwaH je vIlegh. be' vIleghbe'.>
pa'Dajvo' jImej. tugh ghoghDaj vIQoyqa'. jach! jach! pa'Daj vIqet.
jIjatlh <DaH qatlh bIjach?>
jatlhqa' <pa'HomwIjDaq be' tu'lu'! Sut chIS tuQtaH!>
lojmIt vIpoSmoH. ghaHvaD qoD vI'ang. tam. muHarbe' 'e' vIleghlaH. jIba' 'ej
ghopDaj vI'uch. maloS. pa'Hom wIbej. qaS pagh. tagha' Qong.
Hujqu' ghu'vam. qa'qoqmo' Hujbe' ghu'vam. latlh meq tu'lu'. not not not not
jatlh SIDvam. mumerbejpu'!
QInteS