tlhIngan-Hol Archive: Wed Dec 27 08:51:23 2000
[Date Prev][Date Next][Thread Prev][Thread Next]
re: QQ12
- From: "William H. Martin" <[email protected]>
- Subject: re: QQ12
- Date: Wed, 27 Dec 2000 11:49:30 -0500
> From: Nicolau Rodrigues <[email protected]>
> Date: Tue, 26 Dec 2000 17:23:49 -0500
> <<Qo'noS QonoS wa'maH cha'>> vIlaDta'. cha' ghItlh qonta'
> ghunchu'wI' SarrIS je. tlhIngan Hol vIghojlI'mo', rut
> vIyajHa' qoj vIyajbe', vaj jIghel:
> ///////////////////////////////////////////////////////
> <<lalDan qep>> qonta' ghunchu'wI'
> <<ratlh>> wot lo' Okrand not 'e' vIlegh, vaj lugh cha' DuH veb 'e'
vISovbe':
> <<juHmaj ratlh>> (lo'bogh ghunchu'wI'), pagh <<juHmajDaq ratlh>>.
vISovbe'.
loQ qay'. <<juHmajDaq ratlh>> vImaSbej. <<jaH>> <<ghoS>> ghap rurbe'
<<ratlh>>. ratlhlu'DI' vIHbe'lu'.
> cha' mu' mumISmoHbogh lutu'lu': <<bIQ lupwI'>>. vIyajHa''a'.
> OrlandoDaq pIm'a' lupwI'mey.
<<bIQ yor lengwI'>> DamaS'a'?
> <<yItmeH poH ngaj law' lIghmeH poH ngaj puS>> mu'tlhegh lo' ghunchu'wI'.
> jumlaw' mu'tlheghvam. latlh mu'tlhegh vIchup:
> <<mayIttaHvIS poH ngaj law' malIghtaHvIS poH ngaj puS>>.
jIQoch. ghunchu'wI' mu'tlhegh vImaS. yIttaHvIS ghoSlaHchu' 'ach lIghtaHvIS
lengqu'nIS. yItchugh tugh paw. lIghchugh paSchoH. mu'tlheghlIj vIlaDDI'
qech pIm vIpIH. wa' leng ghaj cha' 'ay'. wa' 'ay' tIqHa' vIghoSmeH
vIyItnIS. latlh tIq vIlIghnIS. 'ach cha' Hevo' wa' He wIvnIS ghunchu'wI'.
<<wa' He vIyItchugh poH ngaj law' latlh vIlIghchugh poH ngaj puS>> DamaS'a'?
> ///////////////////////////////////////////////////////
> <<jIQuj>> qonta' SarrIS
> wa' mu'tlhegh vImughHa'bogh tu'lu':
> <<QIt taghDu'wIj yIvchoHlu' 'aqroS>>.
> narghchugh <<-lu'>>, qatlh <<subject>> Da <<'aqroS>>. nuq 'oS 'aqroS.
QInvam vIqonpu'DI' ghItlhvam laD Seqram 'ej maja'chuqchoH. Seqram
qechmeymo' 'op mu'tlhegh vIqelqa'. mu'tlheghvam vIchoHqa' 'ej
mISchoHlu'law'. chaq jIQagh. chaq Qagh Seqram. jISovbe' 'ej tlhoS jISaHbe'.
Qaghlu'ba'.
<<QIt taghDu'wIj 'aqroS yIvchoHlu'. mu'mey ghoQ vIlo'. <<yIt>> vIlo'DI'
"annoy, bother, irk, irritate" vIHech. not lo'vam tu'pu' Seqram. "chew" neH
Sov, vaj mu'tlheghvam wIqelqa' 'ej wIqelqa'.
> SarrIS, bIlugh:
> nI'qu' <<vIropchoHmoHQo'meH>> mu', 'ej 'IHqu' je,
> 'ach wa' mu'tlhegh mIS tu'lu':
> <<jIHeghpa' poH bom vImuchchugh jaj wa'DIch vItaghqa'ta'chugh>>.
> jIHvaD mu'tlhegh DaQIjlaH'a'.
mu'tlhegh naQ Damuchbe'. vImuch:
<<jIHeghpa' poH bom vImuchchugh jaj wa'DIch vItaghqa'ta'chugh vaj 'op
vIchIl 'ej 'op vIpollaH.>>
Qujvam qo'Daq qaSpu'DI' jaj wejDIch jIHegh 'e' vIjunlaHbe' 'ach poHvam
vIqaSHa'moHlaH. *ocarina* le' vISamchugh 'ej vISuSchugh QoQ le' vImuchlaH.
QoQvam QoyDI' qo'vam, mev poH. jaj wa'DIch taghqa'lu'.
He rur poH 'e' yIqel. veng wa'DIch 'oH ngoQlIj'e'. jaj wejDIch rur veng
wa'DIch. SaQejDaq bIjaHchoH. jaj wa'DIch rur SaQej. DaghoSchoH 'ej tlhoS
veng wa'DIch DaghoSta' 'ach ngoQDaq bIpawpa' bIQongchoH. bIvamDI' SaQejDaq
bIcheghpu' 'e' Datu'. ghu'vam rur Quj qo'.
poH bom 'oH QoQvam le' pong'e'.
DaH loj wa' mu' 'e' vItu':
<< jIHeghpa' poH bom vImuchchugh 'ej jaj wa'DIch vItaghqa'ta'chugh vaj 'op
vIchIl 'ej 'op vIpollaH.>>
chay' mu' <'ej> chaghlu' 'e' vISovbe'.
> jejtaH mInDu'wIj 'e' qatob':
> loSlogh <<jegh>> mu' Dalo'Ha'. <<jegh>> DajatlhDI' <<jagh>> Dajatlhqang.
HIvqa' veqlargh! rurchuq mu'meyvam 'ej pIj jImIS. Qu'vatlh!
> tagha', bIpIvqa' 'e' vIHonbe'.
> ///////////////////////////////////////////////////////
> --ghaHbe'wI'
mInDu'jej qapongchoH. batlh bIlaDtaHjaj.
SarrIS