tlhIngan-Hol Archive: Sat Apr 15 17:40:36 2000
[Date Prev][Date Next][Thread Prev][Thread Next]
Qap qepHommaj
- From: Qov <[email protected]>
- Subject: Qap qepHommaj
- Date: Sat, 15 Apr 2000 17:09:15 -0700
DaHjaj qepHom wIcher jIH jeyD je. jeS 'e' luHech chorgh nuv, 'ach jeS vagh
neH.
raSDaq tlhIngan Hol 'aH bey' vImuch. paqmey, HolQeDmey, yIvbeH, pIqaD
muchbogh Sut QanwI' je lucha'lu'. pawtaHvIS jeSwI', <taHjaj wo'> wIQoy,
'ej 'aH lunuD. QoQ vIchu'Ha' 'ej jIlIH'egh, malIH'egh, Hol qun vIDel,
tlhIngan Hol yejHaD vIDel, 'ej Hol vIghojchoHmoH. tlhIngan Hol
jatlhbe'chu' wa' be'; *reporter* ghaH. *Star Trek* tIvmo' jeS, 'ach
ghojmeH poH Hutlh. vIttlheghmey law' Sovchu' wa' loD, 'ej yaj, 'ej
tlhIbHa' QIchDaj. mu'tlheghmey chu' jatlhlaH jeyD net Sov. jeS je jeyD
jup, 'ej nom ghojlI'. loQ <Power Klingon> wI'Ij, 'ach majatlh wIneHtaHmo',
tugh wIchu'Ha'. tlhIngan Hol wIjatlhtaHvIS Sajmeymaj wIqel. mapuSmo' ra'
voDleH wIQujbe'. wanI' wItIv. cha' Hogh pIq (17 June) maghomqa'.
QughHommey vInopta'. Qapla'maj luSIghbe'law' Qaghmeymaj.
SKI: Qov and jeyD actually hold a qepHom.