tlhIngan-Hol Archive: Tue Sep 28 15:39:27 1999
[Date Prev][Date Next][Thread Prev][Thread Next]
Re: Suypu' 'eq
- From: [email protected] (Christiane Scharf)
- Subject: Re: Suypu' 'eq
- Date: Wed, 29 Sep 1999 00:36:58 +0100
jatlh ghunchu'wI':
>Pokemon parHa' puqloDwI'. DuSaQDajDaq luQuj juppu'Daj. Soch Hu'
><chu'wI' 'aj> wIje'. navHommey law', chutmey ghItlh, QIH toghwI' je
>ngaS. DaHjaj <chelmeH 'aj> qutlh ngevlI' Suy Sum net joS. tugh qoS
>wa'maH wa'DIch lopmo' puqloDwI', ghaHvaD 'op 'aj vIje' 'e' vIwuq.
>SuyDaq jIjaH. 'aj vInejtaHvIS QoQ tam vIQoy. QoQ mung vISam, 'ej...
>ghuy'cha'! Christmas Sormey vIlegh!
>
>DaHjaj tuj muD Dotlh. Hat 'oH chorghmaH vagh Fahrenheit'e' wejmaH
>Celsius'e' joq. tujmo' Heghlaw'lI' yotlh tI. September 'oH jar jay'!
>wej qaSchoHchu'pu' Hallowe'en poH. Thanksgiving qelchoHbejpu'
>pagh'e'. 'ach pa' QamtaH bIH: Christmas Sormey. wovmoHwI'Hommey
>lungevlu'lI'. qatmeH nav ngevlu'lI'. Reindeer ngeb. Sor 'IHmoHmeH
>moQmey. Santa Claus. wejpuH.
>
>SIbI' Pokemon 'aj vISuq. vIDIl. jImej. Suy cha'DIch vIlegh...'ej
>pa' Christmas Dochmey vIleghqa' jay'! maw'ba' qo'.
nom yIn poHmaj nuvpu'. rut yInmeH Dochaj tIn law' DIngmeH qo' Do tIn puS.
poH lujuS 'e' nIDba' nuvpu'. maw'be' qo'. maw' qo' vuvbe'bogh nuvpu''e'.
>
>-- ghunchu'wI'
>
HovqIj