tlhIngan-Hol Archive: Tue Sep 28 12:13:34 1999

Back to archive top level

To this year's listing



[Date Prev][Date Next][Thread Prev][Thread Next]

Suypu' 'eq



Pokemon parHa' puqloDwI'.  DuSaQDajDaq luQuj juppu'Daj.  Soch Hu'
<chu'wI' 'aj> wIje'.  navHommey law', chutmey ghItlh, QIH toghwI' je
ngaS.  DaHjaj <chelmeH 'aj> qutlh ngevlI' Suy  Sum net joS.  tugh qoS
wa'maH wa'DIch lopmo' puqloDwI', ghaHvaD 'op 'aj vIje' 'e' vIwuq.
SuyDaq jIjaH.  'aj vInejtaHvIS QoQ tam vIQoy.  QoQ mung vISam, 'ej... 
ghuy'cha'!  Christmas Sormey vIlegh!

DaHjaj tuj muD Dotlh.  Hat 'oH chorghmaH vagh Fahrenheit'e' wejmaH 
Celsius'e' joq.  tujmo' Heghlaw'lI' yotlh tI.  September 'oH jar jay'! 
wej qaSchoHchu'pu' Hallowe'en poH.  Thanksgiving qelchoHbejpu' 
pagh'e'.  'ach pa' QamtaH bIH:  Christmas Sormey.  wovmoHwI'Hommey
lungevlu'lI'.  qatmeH nav ngevlu'lI'.  Reindeer ngeb.  Sor 'IHmoHmeH 
moQmey.  Santa Claus.  wejpuH.

SIbI' Pokemon 'aj vISuq.  vIDIl.  jImej.  Suy cha'DIch vIlegh...'ej 
pa' Christmas Dochmey vIleghqa' jay'!  maw'ba' qo'.

-- ghunchu'wI'



Back to archive top level