DaSpu'

[Christiane.Scharf@t-online.de (Christiane Scharf)]

wa'Hu' QoQ muchDaq jISaH. <In extremo> 'oH muchwI' ghom pong'e'. Dun
muchchaj.
Hat SeHmeH jan Hutlhmo' vaS 'ej meQmo' qulmey Do'Ha' tujchu' muD.
muchwI'pu' retlhDaq jIH. chaH jIH je jojDaq wa' nuv neH tu'lu'. vaj Hoch
vItlhojchu'. tujqu' qulmey Sum. muchwI'pu' vIleghlaHchu'. 'ej muSIgh chaH:
wa'logh qul tlhISwI' DoS jIH. mInwIj qIpchu' tlhISmeH taS. baQa'.
le' muchwI'pu' Sut. Dajqu' wa' ngoD: wa' muchwI' DaSmeyDaq DaSpu'mey
lutu'lu'!
tlhIngan DaS DaSpu' rurchu'be' DaSpu'vam, 'ach DaSpu'na' bIHba'. Dat
maHlaw'.

HovqIj