tlhIngan-Hol Archive: Sun Oct 24 14:46:18 1999
[Date Prev][Date Next][Thread Prev][Thread Next]
jubluH'a'?
- From: "Mark E. Shoulson" <[email protected]>
- Subject: jubluH'a'?
- Date: 24 Oct 1999 21:44:46 -0000
HIja', jIQujmeH mu'mey vIlo'; "qech" per boleghDI' Suyaj.
tlheghvam vIjeS 'e' vIHechbe', 'a qen _Scientific American_Daq ghItlh
vIlaD, 'ej qechvam qel.
poHmaj HerghQeD vIqelQo' (mu'qoqvetlh boparchugh, jIyaj, jISaHbe', 'ej
jIghoHQo'). wej Hoch wIyaj, 'ej wej Hoch wIyajbogh vIyaj jIH.
'u'Daq DuHbe' jubtaHghach 'e' maq ghItlh. <<Sab *cell*Du' net nISlaH>>
bIja''a'? wejpuH. 'ej SabchoH Hap'e' nuq Data'? jorDI' Hovmaj, chaq
manargh, 'a mayInmeH, HoS De' je DIpoQqu'. 'ej *infinite*chugh 'u', 'ej
*infinite*chugh HoS De' je, 'ej *infinite*chugh poHmaj... HoS *finite*, De'
*finite* je neH DIboSlaH! SachtaH 'u', vaj HoS boSmeH, HoS poQ. Hoch
vIQIjlaHbe'; Qatlhqu' 'ej yapbe' tlhIngan Hol mu'ghom. 'ach 'u'Daq
maratlhchugh, 1E100-nem mayInlaHbe'bej 'e' Har tejpu'. mataHmeH 'u'vo'
manarghnIS, 'ej qech pImHa' 'oH qechvetlh'e'.
ghItlh yIlaD. Daj. 'ej _The Physics of Star Trek_ qonpu' wa' ghItlh
qonwI'.
~mark