tlhIngan-Hol Archive: Fri Nov 05 05:05:45 1999
[Date Prev][Date Next][Thread Prev][Thread Next]
HoghwIj nI'
- From: Alan Anderson <[email protected]>
- Subject: HoghwIj nI'
- Date: Fri, 5 Nov 1999 08:06:46 -0500 (EST)
nI'qu'taH HoghwIj.
yaH'a'wIjDaq DIS cha' SanID loHwI'Hom jIH.
tInqu'mo' malja'maj 'ej law'qu'mo' Daqmeymaj maDughnIS.
vaj ra'ghomquvqoq wIcherta'.
vengwIjDaq chenpu' ra'ghomquvHom.
mochmaj 'oH ra'ghomquv wa'DIch'e'.
QummeH tlham wIchenmoH.
yaHwIj ghom vI'oS. Senglu'chugh, jIngoy'.
Monday November 1 tagh tlham. qaS qeqHom.
ra'ghomquv yaH pa' 'aghlu'. pa' jISaHnIS.
Tuesday qaS qeqna' wa'DIch.
tera' mIch law'Daq malja'maj Daqmey lutu'lu'.
vaj pIm Daqmey rep.
Hoch wI'ma'meH vengmajDaq 'eqqu' wanI' - jav vatlh rep tagh.
qaStaHvIS loS rep Qum Hoch 'ej qeq Hoch.
ja'chuqmeH Hoch, ghogh HablI' wIlo'.
law'qu' jeSwI'pu'. De'wI' QummeH pat wIlo' je.
patvetlh lo'meH mIw ghojtaH Hoch.
motlh Wednesday. DIS cha' SanID vISaHnISbe'.
Thursday po ghom ra'ghomquvHom. DIS cha' SanID SIQrupghach ghu'maj wIqel.
SengHommey DIngu' 'ej nabmey DInaQmoH.
pov ghom pat tobwI'pu' 'ej wa' De'wI' mIw wIpoj.
nI' jajvetlh Qu' - jav vatlh rep tagh 'ej wa'maH Soch vatlh rep rIn.
DaH QIt tlhetlhlI' Friday. qeqchu'lI' Hoch malja'maj Daqmey.
jeStaH Argentina-ngan, Germany-ngan, Singapore-ngan, Mexico-ngan,
USA-ngan law', latlh je.
'ej rInbe'taH Hogh...
-- ghunchu'wI'
(toch De'wi'Hom lo'taHvIS)