tlhIngan-Hol Archive: Thu Nov 04 14:08:20 1999
[Date Prev][Date Next][Thread Prev][Thread Next]
Re: ngeng qo'mey
On Thu, 4 Nov 1999 21:43:10 +0100 Christiane Scharf
<[email protected]> wrote:
> jatlh charghwI':
> >qen DajlI' qo'wIj. wej Hogh ret muSuchpu' pIlmoHwI'HeywI'.
> >qaStaHvIS jav DIS maHopqu'taHvIS maQum. pIj le' QInmeymaj.
> >mejpa' jIHvaD cha' ngoD 'ang:
> >
> >wa': muSuch mutobmeH 'e' wuq. chaq bangpu' DImoj.
> >
> >cha': jIluj pawpa' 'e' wuq. not bangpu' DImoj.
> >
> >not be'pu' vIyaj. wuqmeH meq lupoQbe'ba'.
>
> be'vam vIyajbe' je jIH. 'ach rap Hoch be'pu' 'e' yIHarQo'.
not 'e' vIHar. rapchugh Hoch be'pu' chaq vIyajchoHlaH. 'ach
ghobe' vay'. reH wIvmeychaj vIloylaHbe'.
> >muSuchDI' Qatlh ghu' 'ach vISIQba'pu'. jImobtaH. jISaHbe'.
> >lojmo' pIlmoHwI'qoqvam jIQuch. latlh vIDanISbe'qa'.
> >jIDa'eghqa'laH. jIQuchchoH.
>
> qatlh be'mo' latlh DaDa? SoH bang moj be' DaneHchugh, vaj SoH SoHnIS. not
> SoHna' qIHchugh be', chay' SoH'e' bangna' mojlaH?
roD belHa'choHDI' be' 'IH belmoHmeH vIvangqang. roD qaSDI'
wanI'vam qoH vImoH. jIghojlaHbe'law'. 'ach le'qu' wanI'vam.
qaStaHvIS vagh jaj matlhejchuq. belHa'taHchugh be'vam Do'Ha'.
vaj vIbelqangmoH. loQ jIDoghlI'. jISaHbe'. ghu'vam qaq law'
ghu'vetlh qaq puS.
> >qaStaHvIS wanI'mey pIm, pagh meqmo' QummeH mI' munob cha'
> >be'pu'. vIrI' 'e' vInIDqa'. vInIDqa'. vInIDqa'.
>
> >wa' murI'. maja'chuq. muparHa'qu'. muSov neHbej. vISov neHbej.
> >'ach bang ghaj, 'ach Qatlh ghu'. bang parlaw' 'ej tugh bang
> >mojHa'law'. muja' <<tugh maSuchchuqnIS. chaq wa' Hogh pIq...
> >ghobe'. Qu' pegh vIghaj. chaq cha' Hogh pIq... ghobe'. latlh Qu'
> >pegh vIghaj. HIloS. cha' Hogh pIq qarI'qa'.>>
> >
> >vIloStaHvIS jItlhuH 'e' vImevQo'. not murI' 'e' vIpIHchu' 'ej
> >munuQbe' ghu'vam. be'vam vIpoQbe'.
>
> lay'Ha' be'vam. quvHa'ba'.
lay'Ha'law'. wej vItob. cha' Hogh pIq wInoHlaH.
> >latlh Qum mI' munobbogh be''e' vIrI'ta'. maja'chuq. muparHa'qu'.
> >muSov neHbej. vISov neHbej. 'ach bang ghaj, 'ach Qagh ghu'. bang
> >parlaw' 'ej tugh bang mojHa'law'... qaStaHvIS cha' rep bangDaj
> >wIqel. vIqeSmeH mutlhob. chajDaj vIDalaw'. jISaHbe'. matlhbe'ba'
> >be'vam. bangwI' moj be'vam vIneHbe' 'ach vIparHa'.
>
> chaq jupna'lI' mojlaH.
chaq bIqar. wej maSovlaH.
> >be'pu' vIqIHmeH nav 'ay' le' vIQul. Dajqu' cha' be'. ghoghchaj
> >vIQoy 'ej De'chaj vIQul. loQ rurchuq. ghIq vImerlu'. mI' rap
> >ghaj be'pu'vam. wa' juH ghajlaw'.
> >
> >Dajbej yInwIj.
>
> qar. Dajbej.
pIjHa' Dal.
> >be'pu' vIyajlaHbe', 'ach vIyajHa'taH 'e' vItIvchoH. Dachchugh
> >vaj DalchoH yIn.
> >
> >Dal pagh jagh net Sov. {{:)>
>
> jagh? be' DaSuvnISbe'. be' pup DaqIHbej. DaqIHDI' mej ghaH 'e' yIlajQo',
> 'ach yIchargh, charghwI'!
bIQupba'. jIqanba'. bInajchu'. loQ Doy'choH tIqwI'. vIlo'qa'pu'.
loQ Qop. tIqwIj yInqa'moHchugh be', jIQuchchoHba', 'ach
jItlhuHtaH 'e' vImevQo'.
> HovqIj
charghwI'