tlhIngan-Hol Archive: Wed Nov 03 17:11:44 1999
[Date Prev][Date Next][Thread Prev][Thread Next]
ngeng qo'mey
- From: [email protected] (Christiane Scharf)
- Subject: ngeng qo'mey
- Date: Thu, 4 Nov 1999 02:11:51 +0100
ghu': qen ngeng wISuch bangwI' jIH je. ram. ngeng ngabmoH yav 'eng. ngeng
veHHey HeDon tu'lu'. Hevam bID ghoSlu'chugh, Daq le'Daq pawlu'. jav wen pa'
bangwI' moj jup.
machol.
Hurgh Hoch. Hurgh je yav 'eng. 'ach jaS Hurgh: HurghtaHvIS chIS.
maH retlhDaq tI Hatlh je DIghovlaH. Sumchu'be'chugh vay', QatlhchoH
leghchu'meH Qu'. 'ujmey puS neH 'aDDI' maH Dochvam je joj, qaS wanI'vam.
chuq'a'Daq nIm rur muD.
vaj maH tlhopDaq ngablaw' He. paghDaq nuDevlaw' Hevam.
'ach matlhe'be'. He wIghoSlI'.
DaH nuDech chISbogh ram. Sublaw' muD. muD HotlaH DIrwIj.
tam ram. tIq He. tIn Sormey. chuS DaSmeymaj. mamobqu'. nutlhej SuSHom neH.
loQ machung, SumchoHmo' Daq le'.
toH! naDev Daq le'! naDev maH!
jaj le' vIqaw. yabwIjDaq chen wen ghu': meQqa' qul. tujqa'. qul wab
vIQoyqa'. meQtaHbogh Sor Hap vIlarghqa'. maS gho naQ vIleghqa'. mutlhejqa'
bangwI'...
DaH ghu'Daq QIt chegh yabwIj. ma'uchchuqchu'. wa' Dol maH.
latlh ngeng Dop wIbej. veng wovmoHwI'mey wIlegh. Hopqu'law' tayqeq.
qo' pIm wI'ellaw'pu'. poH pIm wI'ellaw'pu'.
wen qo'HeyDaq maH. wen qo'Hey DaH qo'Hey je chev yav 'eng veH.
veng wIbejlI'. Daqmaj le' wIbejlI'. manajlI'. matIvlI'.
loQ bIrmo' wen qo'Hey, He wIghoSqa'.
DaH pIm ghu'. maghoStaHvIS HurghchoHbe' Hoch 'ej ngabchoHbe' Hoch.
maghoStaHvIS wovchoH Hoch 'ej HuvchoH muD.
mamobtaHbe'. SorHommeyDaq Qong chalDepmey. DIvemmoH maH. DIghIjba'mo' Haw'.
chalDaq puv.
He bIDvam wIghoSchu'ta'DI', ngeng wIbejqa'. ngabpu' wen qo'. ratlh neH yav
'eng Dal.
ngengvo' mamej.
jIHvaD Dun wanI'vam. 'ach ghaytan ghu' DellaHchu'be' mu'mey neH. ghaytan
yajlu'chu'meH SaHnISlu'. ramvam vIqelDI' *Avalon* lutmey ngo' vIqaw...
SKI: My fantasy turned a nocturnal visit at the lake into a fascinating
experience, but it's difficult to word my fantasy.
HovqIj