HuD, bIQtIq, ngech

[Marc Ruehlaender <ruehli@iastate.edu>]

HuD tIvuv! tIQ.
yIntaHvIS no'ma', qan HuD.

HuD lut yIQoy! peqIm! pebuS!

QuptaHvIS HuD, Hem.
HuD HoS law', Hatlh beQ HoS puS.
ra'DI' HuD, lob puH naQ.
QeHDI' HuD, Qom Hoch.
tInqu'choHtaH HuD jaq.
bIQ'a' pup 'op, chal DuQ latlh.
'ach jaqHa'be' bIQ'a' chal joq.
batlh Suvqu'. mup bIQ'a' ro' HoS; pe' chal SuS jej.
'ach QaplaHbe' bIQ'a' chal ghap.
Dujeychugh jagh nIv yItuHQo'!
naD'egh HuD. jatlh: <<reH maQapchu'.>>
yay chavmo' HuD, bIQ'a' chal je quvHa'moH.
quv Hutlhchugh, yInlaHbe'taH.
yInlu'taH net bajnIS.
vaj yeqmeH mab qI' bIQ'a' chal je.
chalDaq bIQ pep bIQ'a' 'ej 'engmey chenmoHmeH lo' chal.
HuDDaq 'eng yuv SuS.
'eng DuQDI' HuD, SiS. bIQ'a' ghoS bIQ; chegh.
HuD DopDaq bIQtIq moj.
HuD pojmoH bIQtIq.
bIQtIqmo' huD DopDaq chen ngech.
ngechDaq jev SuS.
mu'qaD jach HuD 'ej bep.
not naD'eghqa'.
HutlhHa'qa' quv bIQ'a' chal je.

taHtaH HuD. 'ach taH bIQtIq je, taH ngech je.
reH SuvtaH, reH yIntaH, reH quv'eghmoH!

pItlh.

                                            Marc Ruehlaender
                                            aka HomDoq
                                            ruehli@iastate.edu