tlhIngan-Hol Archive: Tue May 04 23:00:24 1999

Back to archive top level

To this year's listing



[Date Prev][Date Next][Thread Prev][Thread Next]

Re: muD Duj



ja' Qov:
>> Duj DaruQ neH. puvmoH telmey muD Do je 'e' vIHar.
>
>lupuvmoH tlheghHommey HoSqu''e' leghlaHbe'bogh vay'. :)

wejpuH.  chal rav'eqvo' HuS Duj 'e' Damaq'a'?  Qochbej "Bernoulli".

>...
>wej chIjmeH 'ul lo'bogh patmey'e' vIlo'.

taghwI'na' SoH.  paQDI'norgh law' DaghojnIS.

>QapHa'chu'be'.  chuS neH.  nISchuqlaw' veng 'ul chemmey.

wanI'vam vIghovchu'.  motlh Chicago-Daq taQlaw' Se' HotlhwI'.

>> wanI'vam vItIv. mInDu'wIj vISoqmoHchugh 'ul wab je vIQoylaHtaH.
>
>wab?  mu'vetlh vIghovbe'.  yIQIj.

repmey luperlu'meH mIw DeltaHvIS Okrand, <wab> QIj.  nap qech:  chuS wab.
DaQoylaHchugh, wab 'oH.  ghaytan wab 'oH QIch'e'.  ghaytan wab 'oH QoQ'e'.
Sor tIn ghorlu'chugh, qaSbej wab.  naghDaq DamI'chugh, wab chenmoH waq.

>...yu'egh wIjatlhnISba'.  QaghwIj Datlha'. :)

choSIghba'.  qayajchu'mo' chaq bIQaghpu' rut 'e' vIqelbe'.

>...SIStaHvIS loQ jIyIQchoH.  muQanchu'be' Duj.
>(jImon: veQDuj 'oH DujwIj'e' 'e' DaHarchoH'a'?)

jImonbe'.  meH 'elmeH bIQ, nuqDaq nIj Som?  DungDaq nIjchugh,
Duy'law' telmey.  'etDaq nIjchugh, Duy'law' 'et mep.  DopDaq
nIjchugh, Duy'law' lojmIt.  bIngDaq nIjchugh, Duy'law' rav.
'emDaq nIjchugh, jImISqu'.

>DaHjaj SIS.  'eSmo' 'engmey jIpuvbe'.  pepchugh 'engmey jIpuv.

jenchoHpu'ba' 'engmey.  lengHom DatIvpu' 'e' vItul.

>>ghobe', bIjatlhchu'. raghba'be' laHlIj.
>
>raghpu', 'ach raghHa'lI' vIlo'taHvIS.  mu'mey vIqawlaHbe'bogh vIjun.
>qechmeyvetlh vIDelmeH vInoghnIS.  jInoghmeH jIpo' -- laHvetlhmo'
>tlhIngan Hol vIjatlh.

Soy'Ha'qu' yablIj.  mu' SamlaHbe'chugh, nom latlh tamlaHlaw'.
bIjatlhpa' qechlIjmey Dayajchu'mo' roD DaDelchu'.  qech wanI'
ghu' joq Daqonta'bogh vIlaDDI', SIbI' vIyajlaH.

>> chaw'
>mujoy' chaw' Qey Qoy je.  "mev"vetlh vIlanHa'taH. :(

pIj ghajwI' mojaqmey vIlo'Ha' jIH.  veqlargh le' ghaj Hoch nuv.

-- ghunchu'wI'




Back to archive top level