tlhIngan-Hol Archive: Sun May 02 09:13:39 1999
[Date Prev][Date Next][Thread Prev][Thread Next]
Re: muD Duj
- From: Robyn Stewart <[email protected]>
- Subject: Re: muD Duj
- Date: Sun, 2 May 1999 09:14:09 -0700 (PDT)
lab ghunchu'wI'
>ja' Qov:
>>tuSovchugh, reH jIchegh 'e' boSov. tuSovbe'chugh, HIqIH. jIqeqmeH
>>jIchegh. jIQaghchugh pagh mu' pup vISovbe'law'chugh, HISovmoH.
>
> maj, jupwI'. qaDwIj (Dachupbogh SoH) Dalajlaw'pu'. bIcheghta'mo'
jIbelqu'.
vIjunlaHbe'. :)
> >muD DujwIj vIqelmeH mu'tay' vIghernIS. DIvI' Hol Duj mu'tay' vI'pu'
> >lurDech neH. *France* Hol lujatlhmo' puvwI'pu' wa'DIch, muD Duj
> >'ay'mey law' per *France* Hol.
>
> toH. not ngoDvam vItu'. "pitot" vISov, 'ach "aileron" "fuselage" je
> vIqelpu'be'. "canard" ('et tel) Hutlh Cessna, 'ach mu'vetlh mung
vISov.
France Hol jatlhmo' ghojmoHwI'wI', mu' mungmey vItu'taH. rut bong
France Hol jatlh ghaH 'ej rut chIch France Hol wIjatlh.
>>chaq tuboQqang: mu'tay' yIchup.
> mu'mey lI' vIchupqangchu'. QuQ tel tlhuQ je lutu'lu'ba'.
QuQ! vIqawHa'law'pu', 'ej tlhuQ vIqelbe'pu'. motlh "tlhuQ"
jatlhbe'lu'. ngaDmoHwI' SaS, ngaDmoHwI' chong je ponglu'. 'ach pIj
tlhuQ jIjatlh jIH.
> <Saqjan> DaSov'a'? toQDuj DelwI'Daq tu'lu'.
> narghbe'bogh Saqjanqoq ghaj Cessna 152 'e' vIpIH.
bIlugh. narghbe'.
>>jItaghmeH wa' wanI' vIjatlh:
>>
>>Duj mach (*Cessna 152*) vIpuvmoH.
> Duj DaruQ neH. puvmoH telmey muD Do je 'e' vIHar.
lupuvmoH tlheghHommey HoSqu''e' leghlaHbe'bogh vay'. :)
>>>wej raQpo' vIHIj net chaw,...
> jum mu'tlheghvam. quS 'ar ghaj DujlIj? :-)
> ghaytan raQpo' DaHIj wej net chaw'.
jIHagh. bIlugh. HIvqa' tlhIngan mu' yajchoHlaHghach. wej raQpo' vIHIj
net tuchbej. wej raQpo' vIHIj. wej raQpo' vIHIjbe'.
>>'ach nIteb lengHommey Sar vIchavta'. Duj vIchIj 'ej DeghwI' jIH je.
> nIteb Hoch Qu'mey Data'taHvIS bImob. bIpo'ba'.
wej jIpo'. jItlhIbqu'be'choH neH. QIt mIw. rut mumoghqu'moH. reH
vItIv.
>> wa'
>>pem, DujDaq jImobtaHvIS, pe'vIl chuS Duj QumwI'. QapHa'choH 'ul pat
>>'e' vIHar. wejpuH. pIj QapHa' tu'HomIra'vetlh.
> pIj ghorbogh Duj Dalo'qang'a'? bImaw'law' jay'!
> pIj QapHa'chugh Duj 'ul pat, Dujvetlh vIlIghQo' jIH.
> chaq puvmeH Duj 'utqu'be' 'ul, 'ach QummeH DeghwI' 'ej chIjmeH
potlhbej.
wej chIjmeH 'ul lo'bogh patmey'e' vIlo'. QapHa'chu'be'. chuS neH.
nISchuqlaw' veng 'ul chemmey.
> Dujvetlh QIv DalIghtaHvIS, SoH retlhDaq Sech yIpol!
ram vIlengchugh, Sech vIqengbej.
>> jIqeqtaH. pay' 'eng
>> Hurghvo' nargh 'ul wov 'e' vIlegh.
>> quq chal 'ul, QumwI' QapHa'ghachqoq je.
> 'ul wa'DIch Datu'be', qar'a'?
qar. jIH 'emDaq wa'DIch tu'lu'law'.
>>chal 'ul vIQoy. muvuQ. motlh chal 'ul leghlu'DI', Qoylu'pa',
>>qaStaHvIS tup puS 'IjnISlu'.
> jevtaHvIS, motlh Se' QumwI' vIchu' 'ej jI'Ij. qaSDI' chal 'ul SIbI'
vIQoy.
> wanI'vam vItIv. mInDu'wIj vISoqmoHchugh 'ul wab je vIQoylaHtaH.
wab? mu'vetlh vIghovbe'. yIQIj.
>>'ul Do tIn law' muD yu''egh Do tIn puS,
>>vaj SIbI' vIQoy.
>
>'ul yu''egh Qoymo' QumwI', quq 'ul Qoybogh 'oH 'ul Daleghbogh SoH je.
yu'egh wIjatlhnISba'. QaghwIj Datlha'. :)
>>munISbe' muD Dotlhvetlh. HeDlI' 'engmeyvetlh 'ej verghwIj vIghoSDI'
>>Huv chal.
> maj. leghwI' leng chutmey neH DapablaH'a'?
> SIStaHvIS bIpuvmeH 'ut janmey leng chutmey.
bIlugh. leghwI' leng chutmey neH vIpabnIS. SIStaHvIS, llc vIpablaH.
'engmey vI'elbe'nIS, 'ej 'etwIjvo' wa' qelI'qam vIleghnIS. yav
HuvHa'chu'be' SIS. SIStaHvIS loQ jIyIQchoH. muQanchu'be' Duj.
(jImon: veQDuj 'oH DujwIj'e' 'e' DaHarchoH'a'?)
DaHjaj SIS. 'eSmo' 'engmey jIpuvbe'. pepchugh 'engmey jIpuv.
>>raghba'pu' jatlhmeH laHwIj. mu'mey vIlIjpu'bogh vIjunnIS. botlhoj'a'?
>> mu'mey' vIqawHa'bogh boghov 'e' vIpIH.
>ghobe', bIjatlhchu'. raghba'be' laHlIj.
raghpu', 'ach raghHa'lI' vIlo'taHvIS. mu'mey vIqawlaHbe'bogh vIjun.
qechmeyvetlh vIDelmeH vInoghnIS. jInoghmeH jIpo' -- laHvetlhmo'
tlhIngan Hol vIjatlh.
> chaw'
mujoy' chaw' Qey Qoy je. "mev"vetlh vIlanHa'taH. :(
===
Qov - pab 'utlh
_________________________________________________________
Do You Yahoo!?
Get your free @yahoo.com address at http://mail.yahoo.com