tlhIngan-Hol Archive: Wed Mar 31 14:51:53 1999
[Date Prev][Date Next][Thread Prev][Thread Next]
jIDaqHa'
- From: [email protected] (Christiane Scharf)
- Subject: jIDaqHa'
- Date: Thu, 01 Apr 1999 00:30:49 +0200
qaStaHvIS poH nI' tlhIngan Hol vIbuSqu'laHbe'. Do'Ha'. 'ach qaStaHvIS
poHvetlh Do' jIyInchu'. vaj loQ tlhIngan Hol vIbuSHa'pu' 'e'
vIpaynISbe'.
qaS wanI'mey vItIvqu'bogh 'ach qaS je muQeHmoHbogh wanI'mey. muQuchmoH
wanI'mey vItIvbogh. tIqwIj HoS luchu'chu'. loQ muQeHmoH wanI'mey qab,
'ach qaSpu'DI' poH nI'qu'be' ramchoH. qaSpa' lot'a' jISaHqu'chu'be'.
qaSDI' wanI' qab SIbI' jIbep 'ach taHbe' QeH. Hoch wanI'mey Seghmey ngaS
yInna' net Sov.
DaH jIghIQlI'. tlhIngan Hol vIbuSmeH 'eb vIjon. toH, jabbI'IDghomvamvaD
pagh vIghaqtaHvIS, nuq vIta'? DuSaQmo' Qu'mey law' vIta'nIS. yavDuj
vIchIj 'e' vIghojlI'. qaSDI' qoSwIj chaw' vISuqlaH 'e' vItul.
qaSbe'chugh Qugh vIpIHlaHbe'bogh ghaytan qay'be'. jupwI'pu' law' vIqIH
'ej vIghomqa'. maQuch. maQuj. matlhutlh. matay'DI' jI*jen*law' (mu'
QujwIjmo' pebepneSQo').
rut DuSaQ qachDaq jISaH 'ach qaSbe' jIHaDmeH poH. DaltaHvIS ghu' rut
tlhIngan Hol bomHeymey vIqon. chaq bommeyvetlh jabbI'IDghomvamvaD
vIghaqqang. jISovbe'. ghaytanHa' HochHom vIghaq. HochHom bommeyvetlh
legh latlh ghotpu' vIneHbe'law'. vIlaDnISqa'chu'. vInuDchu'ta'DI' jIwuq.
tlhIngan Hol vIbuSqu'be'taHvIS QInmey law' vIHev. nI' vIlaDmeH poH. Hu'
puS QInmey vIlaDnISbogh law' law' vaghvatlh QInmey law' puS. DaH
wa'vatlh QInmey law' law' QInmey vIlaDnISbogh law' puS. jIlaDtaHvIS wa'
ngoD vItu': pIj Doch jatlhwI'pu'. jIH mutIch pagh (BG pong 'oSbe' mu'
<pagh>), 'ach latlh nuvpu' lutIchlu'chu'pu'. ghu'vetlh vIpar. pab
wIHuvmoHmeH mangachDI' majachnISbe'. jaghpu' chaHbe' jeSwI'pu'ma''e'.
mataHmeH matay'nIS. tay'DI' HoSmey law' HoS'a' lumoj HoSmeyvetlh.
batlh mataHjaj!
loQ tInmo' QInvam jItlhIj. tlhIngan Hol vIlo'qa' 'e' vItIvqu'ba'.
SKI: HovqIj is back for a while. She's talking about what she did when
she didn't study Klingon and she says she doesn't like the rude tone of
some speakers that she noticed when she read through a whole bunch of
recent messages.
HovqIj