tlhIngan-Hol Archive: Mon Mar 29 04:50:09 1999
[Date Prev][Date Next][Thread Prev][Thread Next]
Re: qama'
SuStel:
vuDlIj vIvuvbej. pIj maghoHtaHDI' ghaytan jabbI'IDghomvam
wIqalmoH. manatlhchoHlaw'mo' lojchoH ghojwI'pu' QaQ. Do'Ha'.
maqHa'DI' peHruS, Qatlhqu' wIbuSHa'meH Qu' net Sov. tlhu'qu'lu'.
tlhu'choHghach 'omchugh wa' 'ej jottaH nuvvam, ghoHchoH latlh.
reH peHruS janglu'. maghoH. De' lI' wIwuqchugh, qub wanI'.
peHruS wIjang 'e' wImevnIS 'e' DaHar'a'? chaq yab jaS Damoj
DaneH SoH! Holmaj SeH peHruS neHlaw'mo' peHruS, peHruS SeH
ghunchu'wI' neHlaw' ghunchu'wI'. peHruS SeH neHlaw'mo'
ghunchu'wI', ghunchu'wI' DaSeH DaneHlaw'. ghunchu'wI' DaSeH
DaneHlaw'mo' qaSeH vIneHlaw'. muSeH neH 'Iv?
maSeHchuq 'e' wInID 'e' wImevchugh qaq ghu'. chay' Qu'vam
wIta'? yIchup!
maQaHchuqnISba'. ghoHwI'pu'mo' maghoHchugh ghu' wIDubbe'. chay'
majIjtaH?
maghoH neHba' peHruS. reH maghoHmo' reH Qapba'. majIj vIneH.
chay' jIQaplaH?
charghwI' 'utlh
On Sun, 28 Mar 1999 17:32:50 -0800 (PST) David Trimboli
<[email protected]> wrote:
> va. bIjatlh QubHa'be' ghaH vIneH. yab yaS SoHlaw'. jatlhchu' Hol
> wIjatlhchoH. (sic!)
>
> 'a bIqar. ghojmoH peHruS 'ej ghojHa'moHlaH. 'a qechmeylIj laj ghaH 'e'
> DaraDlaHbe'! teHlaw'bogh qechmeylIj 'ej puplaw'bogh lajnISbe' ghaH.
> tlhIngan Hol SeHchu'taHchugh ghot puS neH, 'IHHa'choH Hol. qechDaj
> DIlajnISbe'qu', 'a Qoch ghaH 'e' wIvuvnIS. tlhIngan Hol QanwI' maHbe'.
>
> SuStel
> Stardate 99238.7
>
>
> jatlh ghunchu'wI':
>
> tlhIngan Hol jatlhlaHqu'mo' peHruS jISaH.
> Qubchugh ghaH jatlhpa' yajlu'. QubHa'be' ghaH vIneH.
>
> [...]
>
> ghojmoH peHruS. mujchugh ghaH, mujchoH je ghojwI'Daj. QughHom mojlaH.
> Hol pIn ghaH 'e' maqmo', jIbIt. lughchu' 'e' Harba', lughbe'taHvIS.
> latlhpu' ponlaH HarwI'na'. latlhpu' mISmoHlaHchu' mujbogh HarwI'.