tlhIngan-Hol Archive: Mon Mar 01 14:07:14 1999
[Date Prev][Date Next][Thread Prev][Thread Next]
leSpal chu' vISuqta'.
- From: "William H. Martin" <[email protected]>
- Subject: leSpal chu' vISuqta'.
- Date: Mon, 1 Mar 1999 17:06:00 -0500 (Eastern Standard Time)
- Priority: NORMAL
wa'maH jav Hu' SoSwI'vaD leSpal mach vISam. leSpal tIn ghaj 'ach
'uchDI' 'oy'choH mongDaj.
ghu *Taylor* vItu'. {{:)>
[Segh le' leSpal chenmoH *Taylor*. wej leSpal motlh 'aD loS
Seghvam. machmo' <<ghu>> ponglu'. vaj ghu *Taylor*.]
wa' ghu *Taylor* vInuD 'ej vIDaj. vIparHa'. QaQ. Sum latlh
*Taylor*. ghu 'oHbe'. 'IH leSpalvam. vIDaj. 'IH 'ach 'eychu'be'.
Sum latlh *Taylor*. vIDaj. 'IHchu' 'ej waghqu' 'ach 'eychu'be'.
tlhoS 'ey 'ach waghqu'mo' vIDIlqangbe'. latlh *Taylor* vInuD.
'eychu'be'. jImejrup...
'ach *Taylor* QavDaq Sum *Martin* leSpalmey. chaq wa' neH vIDaj.
tugh jImej.
'IHqu'. 'eyqu'. DaH QoQ vIneHbogh vItu'. latlh *Martin* vIDaj.
*Martin* cha'DIch 'ey law' *Martin* wa'DIch 'ey puS. latlh
*Martin* vIDaj. *Martin* wejDIch 'ey law' Hoch 'ey puS. tlhoS
jItlhuHlaHbe'. jISeyqu'.
DaH qay'choH. jav *Martin* leSpal vIDaj 'ej cha' vI*cherish*.
Dubqoq Sor Hapmo' 'IHchu' wa', 'ach loQ latlh QoQ 'ey law'
leSpalvam QoQ 'ey puS. leSpal 'IHchu' wagh law' leSpal 'eychu'
wagh puS.
jIHvaD QIj Suy. wa' ben leSpal 'oH 'eywI''e'. qaStaHvIS wa' ben
QaQ muchta' leSpalvam. leSpalvam qabDaq ghItlhpu' *pick*. loQ
moH. ghaytan qaSpu'DI' wa' nem, 'IHwI' 'ey law' 'eywI'
'ey puS. 'IHwI' vIje'.
*Martin D2-R* 'oH. jIbelchu'. SoSwI' belmoH je ghu *Taylor*.
charghwI' 'utlh