tlhIngan-Hol Archive: Wed Jun 09 11:26:53 1999
[Date Prev][Date Next][Thread Prev][Thread Next]
RE: Klingon hanky-panky (KLBC)
- From: "Andeen, Eric" <[email protected]>
- Subject: RE: Klingon hanky-panky (KLBC)
- Date: Wed, 9 Jun 1999 11:27:43 -0700
ja' ghunchu'wI':
>qech luDajchu' qID. cha' Hol DaSovchugh, tlhaQ neH mu' tlhaQ.
> pagh QIj.
jatlh qa'ral:
> bIlughba'. pagh tob mu' qID. *sex* buS Hoch 'e' vIneH neH.
<neH> Dalo'DI', <'e'> yIlo'Qo'.
> 'ach tlhIngan Hol QIn vIqonnISbejta'. vaj vImugh: tlhIngan
> parmaq ghob SaHbogh nuq wISov? pIj mubelbogh "Duy" lut vIqawtaH.
> tlhogh 'Ip jatlhqangbe'DI' Qeyleyr, tlhIngan tIgh wempu' 'ej
> tera'ngan Da 'e' pum wo'rIv. 'up 'e' Qublaw'. vaj 'Ipqangbe'wI'vaD
> SIy'loH tuchlu' 'e' vIQub. qen nga'chuqtaHchugh tlhInganpu',
nuq 'oS <SIy'loH>? pong 'oH'a'?
> Sawbe'taHvIS 'ej naybe'taHvIS, vIQoypu'be'. qIb mIch Hop vIDab.
> naDev tlhInganpu' Sovbe'lu'chu'.
> QInmo cha' laDwI' muquvmoHpu'. lughlaw' Rob ter'eS je'. tIghmey
> luqonlu'pu'bogh Sovchu' wo'rIv. tlhIngan yInna' yajbe'.
> wo'rIvvaD tlhingan lurDech potlh law' tlhIngan HochHomvaD puS.
QUESTIONS
> 1) /vay' tobbe' mu' qID/ vIjatlhlaHpu''a'?
HIja', 'ach nIvlaw' <pagh tob mu' qID>.
> 2) mu'ghom wejDIchDaq /'e'/ vInoplaHpu''a'?
> /neH/ wot lo'lu'DI', noplu'law'.
nuq 'oH mu'ghom wejDIch'e' Daqelbogh? tlhIngan Hol mu'ghomna' 'ay' 6.2.5
yInuD. reH wot <neH> lo'lu'DI', mu' <'e'> noplu'.
> 3) qatlh /talk about (discuss)/ 'ej /think about/ lujatlhlu'?
cha' qechmey vIchup. latlh lutu'lu'bej:
maja'chuq. jolvoy'mey DIqel.
bangwI' vIbuS.
> 4) qatlh /write *in* Klingon/ 'ej
> /translate *into* Klingon/ lumughlu'?
ghItlh ghaH. tlhIngan Hol lo'.
tlhIngan Hol mu'mey ghItlh ghaH.
mu'meywIj mugh ghaH. tlhIngan Hol lo'.
pagh
Beginners' Grammarian
tlhIngan Hol Mailing List FAQ
http://www.bigfoot.com/~dspeers/klingon/faq.htm