tlhIngan-Hol Archive: Sat Jul 31 22:02:27 1999
[Date Prev][Date Next][Thread Prev][Thread Next]
nuqDaq 'oH *platter*wIj!!
- From: [email protected]
- Subject: nuqDaq 'oH *platter*wIj!!
- Date: Sun, 1 Aug 1999 01:01:51 EDT
*Deli*Daq jIvum. jajvam jIvumtaHvIS mughoS loD.
<cha'Hu' *platter* yIchenmoH 'e' vIra'pu' 'ej DaH vIneH> 'e' ja'.
<pagh *platter* vIghaj> 'e' vIja'.
<qatlh?>
<jISovbe' 'ach jItlhob> 'e' vIja'.
ghutpu' law vItlhob 'ej Dochmeyvam vItlhob: nuqDaq 'oH *platter*'e'?
chenmoHlu''a'? qatlh DaH SaHbe'?
'ach Sovbe' pagh ghut.
<nuqDaq 'oH *platter*wIj!!> 'e' jach loD.
<jISovbe', qaH> 'e' vIja', <'ach qaybe'. tupvam SoHvaD *platter* vIchenmoH.>
vIchenmoHta' 'ej ghaHvaD vInob. tamchoHmoH.
wIjatlh pInwI' jIH je. qaSpu'bogh Hoch 'e' vIja'. QeHqu'choH!
<'Iv chaH *platter* chenmoHbe' ghutpu''e'?!> 'e' vIjach pInwI'.
ghaH vIja'.
<vIHoH!!>
<chochaw'neS, qaH?> 'e' vItlhob.
Hagh ghaH. <lugh. petaQmey buD DaHoH 'e' vIchaw'.>
QaQ yIn!
quljIb