Re: DaHjaj chegh be'nalwI'!

["William H. Martin" <whm2m@virginia.edu>]

On Fri, 30 Jul 1999 16:39:36 -0400 Alan Anderson 
<aranders@netusa1.net> wrote:

> ... wej Hu' loQ ghaH vISuch.  veng Hop vIghoSmeH
> qaStaHvIS wej rep jIleng.  qaStaHvIS wej rep matay'.  juH vIghoSqa'meH
> qaStaHvIS wej rep jIlengqa'.  jImaw' qar'a'?  'ach le'qu' jajvetlh. 
> cha'maH ben qaSpu'mo' "kiss"-maj wa'DIch, maghom wIneH. 

taHjaj parmaqlIj! qaDa vIneH 'ach bangna' vISamlaHbe'.

qay'be'. reH nIteb Suvrup SuvwI''a'.

> poHDaj jonlI'
> DuSaq vaj Do'Ha' ngajnIS wanI'.  DaHjaj rInmo' DuSaq DaH juH cheghlI'.
> jISeybej.  tugh maqatchuqqa'laH...

jIHvo' mu'vetlh DanIHta'! qay'be'. Dalo'chu'.

> jImob, Dachpu'mo' je puqloDwI'.  qaStaHvIS Hogh SoSnI'Daj juHDaq
> DablI'.  juHwIjvo' pa' ghoSlu'meH wa' rep poQlu'.  cha'Hu' murI'. 
> jatlh <vavoy jIQuchbe'.  jIQonglaHbe'.  jI'IQ.  naDev qetlhchoHpu'
> Hoch.  juHDaq jIHtaH vIneHqu'.>  ghaH vItungHa' 'e' vInID.  wa'Hu' 
> ghaH vISuch.  matay'taHvIS ghaH jIH SoSnI'Daj je 'uQ wISop.  ghaytan 
> DaH pa' pawta' be'nalwI' 'ej SoSDaj SuchlI'.

maj. lughchoHlI' qo'.
 
> DachtaHvIS be'nalwI' jIQongchu'be'. 

reH jIQongchu'be'. qay'be'. jISIQtaH. jIQuch 'ach jIQongchu'be'. 
jIDoy'DI' loQ jIbItchoH. reH bang DeSDu'Daq jIQongchu', 'ach 
bang vIHutlh vaj reH jIQongchu'be'. nap ghu'. jIQongchu' 'e' 
vIpoQbe'.

> DaH jIDoy'qu'.  loQ jIroplaw', 
> jIQongta'be'mo'.  jIQotrupchu' ma'uchchuqtaHvIS.  jInajchoH...

yInajchu'. tugh bInajnISbe'. tugh chegh bangna'lI' 'ej 
lughqa'choH qo'.
 
> -- ghunchu'wI' 'utlh

charghwI' 'utlh