tlhIngan-Hol Archive: Mon Jul 26 11:00:22 1999

Back to archive top level

To this year's listing

• Index by Date
• Index by Thread
• Index by Author

qep'a' vIghoSta'

• From: [email protected]
• Subject: qep'a' vIghoSta'
• Date: Mon, 26 Jul 1999 13:53:53 EDT

qep'a' javDIch vIghoSta'. muDuQtaH wanI''a'vam. tlhIngan Hol 
vIjatlhqu'taHmeH, mupIlmoH qep'a'vam.

qu' wanI'mey lunablu'bogh. 'ach QaQbej je SoQHommey lunablu'be'bogh (pay' 
ja'chuqchoHDI' ghotpu', tlhIngan Hol lujatlhtaHvIS). 

tlhIngan Hol yejHaD websiteDaq schedule tu'lu'mo' 'ej SIbI' Hoch wanI' Daj 
vIqawchu'laHbe'mo', DaH bIH vIDelqangbe'.

'ach loQ wanI''e' ngaSbe'bogh schedule vIDel.
vagh toy'taHwI' luwIvlu'ta'. batlh tlhIngan Hol yejHaDvaD (tlhIngan HolvaD 
je) toy'qu'ba'taH chaH. vaj,
<matlh juppu'na'> 'oH perchaj quv'e'. charghwI', ghunchu'wI', Holtej, HoD 
Qanqor, Seqram je lunaDlu'ta'.
vagh DIvI' Hol mu'/qech wIvta' chaH, 'ej Marc OkrandvaD tetlhvam lumuchmeH, 
lugher.
HolQeD vebDaq, DIvI' Hol mu'meyvam 'oSbogh tlhIngan Hol mu'mey'e' muchlaw' 
Marc Okrand (qeSta'DI' matlh).


wa'Hu' rInba'mo' qep'a', chal Duj vItIj. (juHwIjDaq Summo' 'anghal juH, chal 
DujDaq matlhejchuq). 'ej wa'Hu' ram juHwIjDaq vIchegh.

-taD

• Prev by Date: Re: [chegh] and new word [tatlh] (from Marc)
• Next by Date: Unsubscribing
• Prev by thread: jIcheghta' (KLBC)
• Next by thread: batlh muQaHta' HovqIj
• Index(es):
  • Date
  • Thread
  • Author

Back to archive top level