tugh De'wI' chu' vISuq.

["William H. Martin" <whm2m@cms.mail.virginia.edu>]

vaghleS De'wI'wIj vIlo'lI'. nom ghItlhta' vIneH 'ach 
luj ghItlhwI'vaD QummeHlu' jan. rut qay'. roD vItI'laH 'ach 
muloSmo' latlhpu' jImoDnIS. loSlogh jInID 'ach QapQo' janvam. 
jIQeH.

machqu' De'wI'wIj. De'wI'vam vIqenglaH. vaj De'wI' naQ vIpep. 
raSDaq pagh vI' wa' 'uj jen De'wI'vam. pe'vIl vIcheghmoH. 
qay'Ha'moHbe' ghaytan net pIH. pIHlu'chugh vaj qar. ghItlhtaHQo'.

vIchu'Ha'. vIchu'qa' 'e' vInID, 'ach luj. DaH luj je polwI'.

qaStaHvIS wa'maH rep vItI'lI'. ghaytan not vItI'chu', 'ach DaH
QapHey. tlhoS Qap.

vaj ghogh HablI' vIlo' 'ej De'wI' chu' vIje'.

juHwIj HoSghajmoHmo' pemHov, 'ul vIlo'DI' jIyepnIS. vInatlh 
vIneHbe'. latlh De'wI' mach vIje'.

wa' vI' pagh Hut loS 'aD HaStaDaj. wa'vatlh cha'maH chorgh 'uy 
mI' ngaSlaH qawHaq. jav'SaD 'uy mI' pollaH. qaStaHvIS wa' lup, 
loSvatlh 'uy Qu'Hom ta'laH.

qIj. rarlaH janmey law'. loSleS pawlaw'. vIloSnIS.

vIloSlI'.

charghwI' 'utlh