tlhIngan-Hol Archive: Mon Jan 04 17:06:25 1999
[Date Prev][Date Next][Thread Prev][Thread Next]
ghIQta' ghunchu'wI'
- From: Alan Anderson <[email protected]>
- Subject: ghIQta' ghunchu'wI'
- Date: Mon, 4 Jan 1999 18:38:47 -0500
- In-Reply-To: <l03020902b2a5b757b842@[206.150.220.150]>
DaHjaj jIchej.
wejHu' "Florida"-vo' malengchoH. wa'Hu' juHDaq mapawpu' 'e' wIpIH.
motlh cha'maH cha' rep poQ lengvam. motlhbe'ba' ghu'. qaS nuq?
peD! peD, peDqu', peDchu', peDchu'qu'!
cha'Hu' "Indiana"-Daq peDchoH. Qobqu'choH Hemey. juHmaj wISIchlaHbe'.
"Indianapolis" Dab be'nalwI' loDnI'; pa' maQong. malengqa'laH 'e' wIloS.
DaHjaj He Qob wIqaD. law' Seng; cha'logh mayevnIS He lughoSHa'mo' Duj.
juHDaq mapawDI', Seng chu' (wIHajpu'bogh) wISam. vengDaq tlhoS Huv Hemey,
'ach juH vergh lubotchu' chuch qut. wej 'uj Saw' chuch. wIHuvmoH pe'vIl
vum qorDu' naQ. mabI' [shovel] jIH be'nalwI' je. chuch let ghor puqloD
'ej DopDaq qeng. qaSDI' wej rep, Huv vergh HochHom. verghpa'Daq Hevo'
lenglaH Dujmaj.
"Indianapolis"-Daq mamImmo', DaHjaj yaHwIjDaq jIjaHbe'ta'. wa'leS pa'
jIvumqa'. qaStaHvIS cha' Hogh jIDach. tInchoHpu' Qu'wIj 'e' vIpIH.
-- ghunchu'wI'