Re: qID

[Alan Anderson <aranders@netusa1.net>]

ja'pu' charghwI':
>qarbe'. ghaytan nuQ neH, 'ach naDev tlhIngan Hol yajlaHbejmo'
>puqpu' nuQbej.

ja' SuSvaj:
>beppu'be'mo' puqpu'vam, nuQ 'e' vIHon.

jIH munuQ.  qIDvam Qut vIlaDpu'mo' jIHagh, 'ach naDev vIlaDmo' jIbIt.
jIvoq'eghmo' jIHvaD Qobqu'be' qIDvam, HoSmo' ghobwIj'e'.  latlh ghob
vIvoqlaHbe' vaj naDev qIDvam vIlegh vIneHbe'.

>...Qutbe'bej
>qIDwIj!  porgh 'ay'Du' pongmey vIlo'be' 'ej  Hol Qut vIlo'be'.  loQ nen
>qIDvam ghu', 'ach Qutbe'bej.

Qutbe''a' jay'?  bISaghtaH'a'?  Qutbejqu'!
be' loDnal maghbogh be''e', loD be'nal maghqangchu'bogh loD'e' je
Del qIDvam jay'!  Qob qechvam'e'.  qorDu' ghob pujmoHbej qechvam.

-- ghunchu'wI'