Re: Okrand mu' qID

[Alan Anderson <aranders@netusa1.net>]

ja' qoror:
>mu' qID chu' vItu'law'pu'.
>vavwI'vaD SoSwI'vaD je mu' {qIvon} vIQIj.

chay' DaQIj?  ngoD wISovbe'bogh DaSov'a' SoH?

>(puq jIH 'e' boSov.  yIbaq.)

toH, puq SoHmo', wej Hoch DalIjpu', qar'a'? :-P

>Spanish Hol lujatlhlaH.  mujatlh mu' qID 'oHbej.
>Spanish mu' _cojones_vo' chen!

ghaytanHa'.  mujchu' QIch.  <qoHones> rurbe'ba' <qIvon>.

>chaq _qojones_ 'oS mu'.  chaq tIv neH Okrand.

ghobe'.  mu'vam 'oghbe' Okrand.  lu'ogh Hov leng qonwI'.  
<SuvwI' tIgh> Daqaw'a'?  qor qIvon qel Jadzia 'e' 'ang lutvetlh. 
jatlh pIvlob jav SIchDI' DujlIj Do, 'oy'choH poSlIj qIvon.
chaq loQ vIqawHa', 'ach ram mu'mey.  potlh qonwI'.  Okrand ghaHbe'.

>(mu' boSovbe'chugh, loD ngaghmeH porgh 'ay' oH _cojones_'e'.)

nuqjatlh?!  

wa'logh <loD ngaghmeH porgh 'ay'> vIlaDpu'DI', qech vIyajHa'chu'!
loD ngaghbogh porgh 'ay' DaQIjlaw' jay'!
vIlaDqa'DI' vIyajchoH.  'ach mu' DayajHa'law' SoH!

tlhIngan Hol <-mey> rur Espanol <-es>.  cha' DochDu' pong _cojones_.
be' yatlhmoHlaHbogh taSHey jeD'e' lIng DochDu'vam.
taSHey tlhuD porgh 'ay' pIm.

_cojones_ vImughnISchugh, qajunpaQ vIjatlh.
pImbej Doch, 'ach qarlaw' qech.

-- ghunchu'wI'