tlhIngan-Hol Archive: Fri Dec 10 15:29:12 1999
[Date Prev][Date Next][Thread Prev][Thread Next]
RE: Hegh vavnI'wI'
- From: "d'Armond Speers" <dspeers@requisite.com>
- Subject: RE: Hegh vavnI'wI'
- Date: Fri, 10 Dec 1999 16:28:14 -0700
vay' vIjatlhnIS 'e' vInoH 'ach mu' lugh vISovbe'.
-----Original Message-----
From: Alan Anderson [mailto:aranders@netusa1.net]
Sent: Friday, December 10, 1999 8:29 AM
To: tlhingan-hol@kli.org
Cc: Robyn Stewart
Subject: Hegh vavnI'wI'
wa' ben ropchoH SoSwI' vav.
"cancer" SIQ.
teqlaHbe' HaqwI' 'e' wuq.
qanmo' woj cherghlaHbe' net noH.
Hergh HoS neH Hev.
Qapbe' Hergh.
wa' wen ghom qorDu', Qelpu', ghaH je.
tugh Heghbe' 'e' yaj Hoch.
Hergh lubaq.
loQ 'oy' 'ach bechbe'.
wa' Hogh ret ropqu'choHba'.
Sop 'e' mev.
wa'Hu' vulchoH.
ramjep QIt tlhuHtaH.
qaSpa' jajlo' Heghpu'.
HeghtaHvIS ghaH luDech qorDu'Daj.
SaH be'nalDaj, cha' puqbe'Daj je.
(Dach puqbe' wejDIch neH.)
yInDaj qawlu'meH 'ej loplu'meH, cha'leS ghom tuqjaj.
jI'Itbe'.
SoSwI'vaD, SoSDajvaD je loQ jI'IQ.
jIQuchbe'bej.
yIn QaQ tIvpu'.
ratlh tuq quv.
-- ghunchu'wI'