tlhIngan-Hol Archive: Fri Dec 10 13:19:37 1999
[Date Prev][Date Next][Thread Prev][Thread Next]
Re: Hegh vavnI'wI'
- From: "William H. Martin" <[email protected]>
- Subject: Re: Hegh vavnI'wI'
- Date: Fri, 10 Dec 1999 16:19:02 -0500 (Eastern Standard Time)
- In-Reply-To: <[email protected]>
- Priority: NORMAL
On Fri, 10 Dec 1999 10:28:59 -0500 (EST) Alan Anderson
<[email protected]> wrote:
> wa' ben ropchoH SoSwI' vav.
> "cancer" SIQ.
jaghvam vISovchu'. vaghben SoSwI' loDnal cha'DIch HoH jaghvam.
taghDaj HIv. qaStaHvIS DISmey law' tlhIch tlhuH.
wejben jIlwI' HoH jaghvam. yab HIv. QIt Sop. bechchu'.
wa'wen jIlvam be'nal HoH jaghvam. wa'ben taghDaj HIv
(qaStaHvIS DISmey law' tlhIch tlhuH) 'ach tar le' lo' Qel 'ej
woj lo'. HeDlaw' jaghvam, 'ach chegh 'ej tagh chej je HIv. nom
Hegh. bechbe'law'. Doy'choHchu' neH. ghIq mev.
cha'ben tlhoS bangqoqwI' HoH jaghvam. nIm ngaSwI' HIv jaghvam.
nIm ngaSwI' naQ teq HaqwI'. yIntaH be'vam. Hop. ghaytan not
vIghomqa'. jISaHbe'. yIntaH 'e' vISaH neH.
wa'ben latlh jIl HIv jaghvam. luH mach HIv. tlhoS HoH 'ach ghob
jIlvetlh. yInlI'. QIt tInchoH Seghvam 'ach qen choH Segh. DaH
nom tInchoH Segh chu'. Hergh chu' lo'choH. chaq Qap. chaq Hegh.
jISovlaHbe'.
batlhHa' HIgh jaghvam. vavlI' HIvmo' jI'IQ.
> teqlaHbe' HaqwI' 'e' wuq.
> qanmo' woj cherghlaHbe' net noH.
> Hergh HoS neH Hev.
>
> Qapbe' Hergh.
Do'Ha'.
> wa' wen ghom qorDu', Qelpu', ghaH je.
> tugh Heghbe' 'e' yaj Hoch.
> Hergh lubaq.
> loQ 'oy' 'ach bechbe'.
>
> wa' Hogh ret ropqu'choHba'.
> Sop 'e' mev.
>
> wa'Hu' vulchoH.
> ramjep QIt tlhuHtaH.
> qaSpa' jajlo' Heghpu'.
rIn latlh leng.
> HeghtaHvIS ghaH luDech qorDu'Daj.
> SaH be'nalDaj, cha' puqbe'Daj je.
Do'. nIteb Heghbe'nIS SuvwI'na'.
> (Dach puqbe' wejDIch neH.)
>
> yInDaj qawlu'meH 'ej loplu'meH, cha'leS ghom tuqjaj.
maj.
> jI'Itbe'.
maj. yIyep. yIQorgh'egh.
> SoSwI'vaD, SoSDajvaD je loQ jI'IQ.
> jIQuchbe'bej.
yajlu'chu'.
> yIn QaQ tIvpu'.
> ratlh tuq quv.
Hoch'e' tlhoblu'bogh vay' 'oH ngoQvam'e'.
> -- ghunchu'wI'
charghwI'