tlhIngan-Hol Archive: Fri Dec 03 07:21:49 1999
[Date Prev][Date Next][Thread Prev][Thread Next]
Re: SengwIj
- From: "William H. Martin" <[email protected]>
- Subject: Re: SengwIj
- Date: Fri, 3 Dec 1999 10:21:15 -0500 (Eastern Standard Time)
- In-Reply-To: <[email protected]>
- Priority: NORMAL
On Thu, 2 Dec 1999 20:50:28 -0200 nuvnov <[email protected]>
wrote:
> be'pu' parmaqqay tIv tera'ngan loDpu' motlh. tera'ngan
> loD jIH, 'ach jImotlhbe'.
bImothlbe' 'ach bIqubbe' 'ej bImobbe'bej. ngaghmeH loDpu' maS
loDpu' law'. loDpu'vam puS vISov. ngaghmeH be'pu' maSbogh be'pu'
puS'e' vISov je. qaStaHvIS wa'maH DIS be' vIngagh. machevDI' be'
wIv qochvam. qayajchu'.
> jIHvaD, loDpu' Daj law'
> be'pu' Daj puS. ghu'vam vIchoHlaH 'e' Qubmo' Do'Ha'
> jImuj 'e' Qub HochHom nugh.
bImujbe'. bIpIm neH. qo' wIDabmeH Hoch, tIn qo'; yap.
> motlh ghu'vam vIpegh. luSov
> 'op nuvpu' neH vIqIHbogh De'wI' vIlo'taHvIS.
loQ Qob ghu'vam. mu'meylIj laDlaHbough Hoch qabDu''e'
DaleghlaHbe'. DachonlaH vay'.
> jIQuptaHvIS, jIHoH'egh 'e' vIqel.
HoH'eghlu'meH meq law' ghaj nuvpu' law'. jIHoH'egh 'e' vIqel 'ej
not loD vImaS. jIQupDI' vISawmeH be' le' vISuqHa' 'ej
lI'be'choHlaw' yInwIj. jIDoghchu'. be'vam QIp vIpoQbe'ba' DaH
'e' vISovchu'. Dun yInwIj.
> 'ach DaH jIHna'
> jIHnIS 'e' vIyajchu' 'ej muyajHa'chugh 'op nuvpu'
> jISaHnISbe' neH. jIquvHa'mo' yInvam vIwIv net Qub.
Qub qoHpu' jIvwI'pu' je neH.
> vIchoHlaHchugh vIchoHbej. HoH'egh 'op loDpu'. Saw
> latlhpu', toj'eghtaHvIS. wej yap, ghu' buSHa'chugh,
> ghu' tu'be'lu' 'e' Har latlhpu'. Hoch ja' 'op nuvpu'.
jIlpu' ngaq lupoQ ja'wI'pu'vam.
> wej mIwvammey vIwIv. jIloStaH. qech QaQ vItu'chugh,
> ghu'vam vIqelqa'. chaq vIHoH'eghnISbe'.
DaHoH'eghnISbe'bej.
> jISaw
> vIneHbe'chugh chaq jISawnISbe' je. 'ach qaStaHvIS
> yInwIj naQ, maqochpu'wI'vo' ghu'vam vIpeghchugh, chaq
> not vIQuchbej. chaH vIjatlhchugh, chaq joSchoH Hoch 'ej
> tugh quvHa'wI'qoq jIH. 'ay' qab neH bIH. 'ay' QaQ ghaj
> Hoch. jIHoH'eghchugh, not qay'qa'.
rut qay' Hoch yIn. yISIQqangtaH.
> jISawchugh, HochHom
> nugh vItojlaH 'ej loDna' jIHlaHlaw'.
not jISaw. loSmaH loSben jIboghpu'. jISawnISbe'. qatlh bISawnIS?
loDna' SoH'a'? loDqoq SoH'a'? SaH 'Iv? nuv SoHba'. yap.
yIyIntaH. potlhba' parmaq 'ach potlhchu'be'. law'qu' yInmeH
meqmey. puSqu' SawmeH meq. mujchu' SawmeH meq Da'angbogh.
be'nalqoqlI' yInqoq yIqel.
> Sengvam
> vIbuSHa'chugh, munuQlaHbe' nugh. nuvpu' vIjatlhchugh,
> pagh vISo'nIS 'ej jIHna' jIHbej. latlh DuH tu'lu' je.
> 'op nuvpu' neH vIja'laH 'ej SovchoHnISbe' nugh chuvmey,
> 'ach Qob. pay' joSchoHlu' 'ej Qapbe'laH mIwvam.
> vIchuplu' 'e' vIlaj.
Qatlhbej ghu'lIj 'ach DuHHa'be'. SIQbej Dururbogh loDpu' law'.
loDna' SoH 'e' Datobqangchugh, ghu'lIj yISIQ.
ngaghmeH be' vImaS. qoch vISamlaHbe'. jIHegh'eghnIS'a'? latlh
Qu' law' vIta'laH. QoQ vImuch 'e' vItIvchu'. jan chu' vISuqta'
'ej vIchu'choH. nagh vItoS 'e' vItIv. bIQ chISDaq bIQ
jotDaq je bIQDuj vIvo' 'e' vItIv. ngemDaq jIyIt 'e' vItIv. jIbom
'e' vItIv. jIghItlh 'e' vItIv. tlhIngan Hol vItIv. yIn potlh
law' parmaq potlh puS.
charghwI'