tlhIngan-Hol Archive: Sun Aug 29 17:28:46 1999

Back to archive top level

To this year's listing



[Date Prev][Date Next][Thread Prev][Thread Next]

Re: KLBC /DaqrajDaq wov'a' DaHjaj?



ja' pIl'o':
>nuqDaq Hoch?

DaHjaj Soj vIje'.  'oQqar vIvut.  Hur 'uQDaq Sop qorDu'wIj.

>QaQchu'taH muD Dotlh, vaj juHrajDaq tlhIHbe'taH'a'?

tuj muD Dotlh, vaj juHwIj bIrDaq jIHtaH vIneH.
'ach SISbe'taHmo', HurDaq lopHom wIjaHlaH.

>bIQtIqDaq DepHommey bowamlI''a'?

bIQDep vIparmo', vISopbe'.  vISopbe'mo', vIHoHbe'.
vIHoHbe'chugh, qatlh vIwam?  jIwamQo'.

>bIQ'a' HeHDaq DIrDu'raj meQchoHmoH'a' Hov woj?

Hop bIQ'a', 'ach Sumchugh, DIrwIj vIghongbe'.  QIbDaq jIba'.

>lISop ghewmeyvaD ngemDaq SuyIttaH'a'?

naDev ngemna' tu'lu'be'.  jup juHDaq puS Sor.  wa' vItoStaHvIS
"wooly bear" vIlegh, 'ach chopbe'.  DaHjaj muchop pagh ghew, 'ach
lopHomDaq ghewmeymo' bepbej latlhpu'.  jIH muSujbe' "mosquito".

DaH juH vIcheghta'mo' jabbI'ID law' vIlaDlaH 'ej vIqonlaH.
ghaytan wa'leS law'qa' QInmey DalaDlaHbogh.

-- ghunchu'wI' 'utlh




Back to archive top level