tlhIngan-Hol Archive: Sun Aug 29 17:28:40 1999
[Date Prev][Date Next][Thread Prev][Thread Next]
law' nabwIj
- From: [email protected]
- Subject: law' nabwIj
- Date: Sun, 29 Aug 1999 13:31:07 -0400 (EDT)
I'm writing this on my Palm IIIx, so the line breaks will look funny for some people, and lowercase "q" and "g" are written with very similar gestures and they appear nearly identical on my screen when underlined (as my Email package does for all text), so there may be some misspelling.
wa'maHvatlh cha'maH vagh rep QInvam vItagh. wa'Hu cha'logh jIlopta'mo' (cha' veng pImDaq lop jupwI'pu' 'ej jIjeS) wejvatlh rep jIQongchoH.
DaHjaj wa'maH Sochvatlh rep be'nI'wI' (*qaro'lIn*) qoS wIlop. jIpawmeH wa' rep bID je vIlengnIS. jeS qorDu'wIj. SoSwI' bangna' vItlhejmeH leSpalwIj vIqeng.
wa'leS jIvumta'DI' jupwI' (*ghey'*) vISuch. juHDajDag 'uQ wISop. maja'chuq. loQ bangDaj yajHa'law' 'ej *ghey'*vaD jIQIj neH *ghey*.
cha'leS jIvumta'DI' QoQ wImuchmeH jupwI'pu' (*wuDI' marSa'* je) juH chu' vISuch. muquvmoH. chu'wI'pu' po'chu' chaH.
wejleS jIvumta'DI' *gey'* juHDaq ghom mI'meH wanI' le' nabwI'pu'. mI'meH vaS 'IHmoHmeH pIn jIH.
loSleS jIvumta'DI' latlh jup (*jo'IS*) vISuch. nab'a' chenmoHlI' Sepmaj qum. chenchoH tera' QorghwI'pu' 'obe'. jIjeS vIneH.
vaghleS DungluQ jIvum 'e' vImev. Hop vengDaq mI'meH wanI' le'vaD jIjeS. gaStaHvIS wej jaj jImI'. jIghoStaHvIS jupwI' (*San*) vItlhej. tIqwIj DuQ *San* 'ach bangna' ghaj. qaybe'. Quchmo' jIQuch.
chorghleS nagh wItoSmeH jupwI' (*ghIlIn*) vItlhej. chaq Qu'vetlh vIta'DI' jupwI' (*patIy*) vISuch. *Turkey*ngan Hol wIHaD.
HutleS jIvumta'DI' pagh vInab. jItlhablaw'. qechmey ghajlu''a'?
charghwI' 'utlh