tlhIngan-Hol Archive: Wed Aug 25 12:59:27 1999
[Date Prev][Date Next][Thread Prev][Thread Next]
Re: DuSaQ'a' vIcheghta'
- From: [email protected]
- Subject: Re: DuSaQ'a' vIcheghta'
- Date: Wed, 25 Aug 1999 15:57:11 EDT
jIjatlh:
> > cha'Hu' DuSaQ'a'wIj vIchegh. luchwIj De'wI'wIj je
> > vIHutlhlI'mo', jabbI'IDmey vIlabmeH De'wI' Qulpa' vISuchnIS.
> > (loSleS DuSaQ'a'wIj machDaq luchwIj qeng qorDu'wIj.)
jatlh charghwI':
> chay' QInvam Dalab? De'wI' Qulpa' DaSamta''a'?
>
HISlaH, QIn vIqonmeH Qulpa'Daq jISaHta'. (De'wI' QeD vIHaDmo', DuSaQ'a'wIjDaq De'wI' Qulpa' Daq vISovba'.)
QInmey vIlI'meH 'ej vIlabmeH, Qulpa' De'wI'mey vIlo'ba'.
qoj pa' qochwI' De'wI' vIlo'laH je.
>
> bInabchu'. chaq paqvetlhDaq *bookmark* Dalan. *bookmark*Daq
> ponglIj mI'lIj je DaghItlh 'ej QInHom DaghItlh.
>
> qechvam DaparHa''a'?
>
vIparHa'bej. bI'ongba'. pawpa' Hoch ghojwI'pu', QInHom vI'oghnISba'. mebpa'meyDaq *Bible*mey lanbogh *Gideon*pu' rurlaw'.
Do'Ha' DuSaQ'a'vam machDaq HolQeD'e' ghojmoHlu'be'.
'ach latlh Holmey ghojmoHlu'. vaj De'wI'wIj vISuqDI', ghaytan Hol nov pa'meyDaq tlhIngan Hol yejHaD nav vIlan.
-taD