tlhIngan-Hol Archive: Wed Aug 25 10:33:20 1999
[Date Prev][Date Next][Thread Prev][Thread Next]
DuSaQ'a' vIcheghta'
- From: [email protected]
- Subject: DuSaQ'a' vIcheghta'
- Date: Wed, 25 Aug 1999 13:31:54 EDT
cha'Hu' DuSaQ'a'wIj vIchegh. luchwIj De'wI'wIj je vIHutlhlI'mo', jabbI'IDmey vIlabmeH De'wI' Qulpa' vISuchnIS. (loSleS DuSaQ'a'wIj machDaq luchwIj qeng qorDu'wIj.)
wej paw Hoch ghojwI'pu'; vaj loQ chIm DuSaQ'a'. wej taghmo' *classes* 'ej Dachmo' 'op jup, De'wI'wIj je, pagh vIta'laHlaw'lI'.
vaj DaHjaj paq ngevmeH qachHom'e' vISuch. paqmey vIje'nISbogh vISamta'DI', qaS wanI'Hom Daj. *Science Fiction* paqmey vIbejtaHvIS, cha' tlhIngan Hol mu'ghommey vIlegh! mumerbej wanI'Homvam, machmo' paq ngevmeH qachHom, DuSaQ'a'wIj je. Qopmo' mu'ghomwIj, chaq mu'ghom chu' vIje'. qoj tlhIngan Hol mu'ghom je' latlh 'e' vISovmeH, motlh qachHom vISuchlaH. (DachDI' mu'ghom, Hol ghojchoHlaw' latlh 'e' vISov.)
-taD