tlhIngan-Hol Archive: Mon Aug 09 18:20:42 1999
[Date Prev][Date Next][Thread Prev][Thread Next]
Re: tlhabHey
- From: [email protected] (Christiane Scharf)
- Subject: Re: tlhabHey
- Date: Tue, 10 Aug 1999 03:15:12 +0200
mujang ghunchu'wI', jatlh:
>ja' HovqIj:
>>ram
>>maH DungDaq wov Hovmey
>>Doq maS 'ej tIn
>>Sumqu'law'
>>vIjonlaHlaw'
>
>ramvetlh rurbogh ram'e' vIparHa'. Huvqu'DI' muD 'ej tInlaw'DI' maS
>jISey. Hovmey Sum bIngDaq matay' jIH bangwI' je vIneH.
roD ram vItIv ('eb vIjonlaHchugh). tamtaH 'ach chuS tamtaHghachvetlh.
Ha'DIbaHmey QoylaH vay'. SuS tlhojDI' tI joqchoH 'ej chuSchoH je. jI'IjDI'
tay' Hoch wabmeyvam, QoQHey lurur.
ram lutIvbe' teSDu'wIj neH. lutIv mInDu'wIj je. HuvDI' muD Hurgh HochHom,
'ach Dun Dochmey vIleghlaHbogh. Hovmey vIlegh. DungDaq Dat bIH lutu'lu'law'.
Dojqu'bogh qach tInqu' luchenmoHlaw'. maS vIbej. Sumlaw'. pImbogh qabmey
law' nu'ang. rut tInchu', rut machchu', rut gho rur, rut tlhegh lang rur.
maS So'choHDI' 'eng pagh 'angqa'DI' Daj wanI'Homvam.
ram tIv je ghIchwIj. He'So'Ha' muD. SIStaHvIS pagh SISpu'DI' Huvchu' 'ej
watlhchu' muD. tlhuHmoH.
qaStaHvIS ram Dun je *thunderstorm*mey. HIvDI' 'otlh tIH qaStaHvIS wa' lup
pem mojlaw' ram. reH HoSghaj 'otlh tIH tlha'bogh wab'a''e', 'ach qaStaHvIS
ram HoSghajqu'chu'.
'IwwIj vIHmoH ram!
mutlhejDI' bangwI' pupbej ghu'. mutlhejDI' ghaH 'IwwIj pubmoH ram!
>
>>tlhuHmoHchu' muD bIr
>>qu' SuS
>>DIrwIj qotlh
>>jIbwIj joqmoHchu'
>
>Dunbej SuS qu'. qa' rIHlaH joqbogh jIb.
>
>>nom puvlaw' puH
>>mapuvlaw' maH je
>>tlhab vIlarghlaHlaw'
>
>SeymoHchu' Do. :) 'ach qo' DaHotlaHbe'chugh, lI'be' tlhab.
meqvammo' QIn DelwI' <tlhabHey> vIwIv.
>
>-- ghunchu'wI' 'utlh
>
>
hehe... ram puqpu' qel QoQ ta vIQoytaHbogh. chaq ram puq jIH...
HovqIj