tlhIngan-Hol Archive: Sun Aug 08 20:46:15 1999
[Date Prev][Date Next][Thread Prev][Thread Next]
cha' jupna'
- From: "William H. Martin" <[email protected]>
- Subject: cha' jupna'
- Date: Sun, 8 Aug 1999 23:48:38 -0400 (Eastern Daylight Time)
- Priority: NORMAL
cha' jupna' vIghaj. be'pu' chaH. 'IHqu'. valqu'. Doj laHchaj.
DaHjaj juppu'vam vISuch 'ej vItIvchu'ta'.
ghojmoHwI''a' ghaH wa' jup. Satlh tIQ QeD ghojmoH. no' HaD.
wa'maH ben veng tIQqu' lIjlu'bogh Samta'. Hoch DIS vengHeyvam
Suchqa'. Dochmey tIQ tu' 'ej HaD. *Turkey*Daq vengvam tu'lu'.
DaHjaj pov be'vam vISuch. *Turkey*ngan Hol wIHaD. Qu'vamvaD
ghoghwIj qaq law' ghoghDaj qaq puS 'e' noH jupvam. QummeH
jatlhDI' jupvam yap laHDaj 'ach pab ghojchu'pu'be' 'ej
jatlhchu'be'. mumer. DaHjaj qaghojmoH. *vowel* 'eymoHmeH mIw
vIyajlaw'. wej yaj jupvam, vaj qaghojchoHmoH.
puSqu' mu'mey vISovbogh 'ej law' mu'mey Sovbogh vaj mughojmoH
jupvam. vaj maghojchuqmoH.
SuD mInDu'Daj; ngeng bIQ 'eSqu' rur. Hurghqu' mInDu'vam.
vIqIHpa' not mInDu' Hurghqu' 'ej SuDqu' vIleghpu'. SuD jIbDaj.
tlhoS chIS.
parmaqqay ghaj 'ach Quchbe' chaH. pIj Suvchuq. pIjHa' jIj 'ach
reH matlh.
wa'maH Sochvatlh wejmaH rep latlh vISuch. De'wI' lo'lu'meH
QaHwI' ghaH. Qu'wIj rur Qu'Daj. yaHmaj DIqelmeH maja'chuq. QoQ
mamuchmeH maqeq. mareH. maHagh. mareH. mamuch. maHagh. mareH.
*piano* Dov'agh je chu'. leSpal vIchu'. rut 'ey QoQmaj. rut
'eyHa' 'ej maHagh. maSaHbe'. matIvchuq.
tlhoS qIj jIb. Quch jen ghItlhlu'law'. roD DoDvam [Hey, we don't
know this is not what it means!] So' jIbDaj 'ach Qubqu'DI' rut
QuchDaq ghopDaj lan 'ej Dub ghoS ghopvam, jIb yuv ghopvam 'ej
DoDvam 'anglu'. pegh rurmo' DoDvam jIHvaD le'qu'.
ghopDaj vIbej 'e' vItIv. Qu' nap ta'taHvIS vIbej 'e' vItIv.
parmaqqay ghaj be'vam je. loD le'qu' ghaH. QaQ 'eychu' qontaH.
Hopqu' juHDaj 'ach SaHchuqchu'.
be'pu'vam vIHotbe' 'ach loQ vIDuQlaw'. muDuQbej.
ghaytan not jISaw. not be'pu'vam vISawlaH 'ej ovlaHbe' latlh be'.
yInwIj vItIv. parmaqqay vIghajbe' 'ej jISaHbe'. juppu' nIv
vIghaj. buy' ngopwIj.
charghwI' 'utlh