tlhIngan-Hol Archive: Fri Aug 06 19:05:19 1999
[Date Prev][Date Next][Thread Prev][Thread Next]
Re: rep 'eq
- From: [email protected] (Christiane Scharf)
- Subject: Re: rep 'eq
- Date: Sat, 7 Aug 1999 04:04:00 +0200
jatlh pagh Doy':
>'eqmo' rep 'ej jIvempu'mo' jIqej. naDev Sochlogh neH Qoylu'pu' jay'. tlhoS
>chIm yaHwIj. jIDumnIS. qa'vIn vItlhutlhnISba', 'ach qa'vIn vIpar. chaq Coke
>vIje'.
>chaq <QongDaq Qotbe' tlhInganpu'> 'e' muqawmoH vay'.
bIDoy'ba'. <QongDaqDaq Qotbe' tlhInganpu'> jatlhba' ghotvetlh (pagh
vIttlheghna'vam Sovchu'be' tera'nganvetlh).
> vaj jIjang. qaSpa'
>DungluQ tlhIngan jIHbe'.
jImon. chorurlaw'. 'eqDI' rep jIQongtaH (jIQonglI'be' - tugh jIvem 'e'
vInabbe'mo' jIQongtaH) 'e' vImaS je.
po muvemmoHta'DI' vay' - ghobe', lughchu'be' pabwIj: muvemmoHta'_chugh_ vay'
motlh Hoch vIparlaw'. wovqu'mo' pa' 'oy' mInDu'wIj. Qatlhqu'
jIchong'eghmoHmeH Qu'. QongDaqvo' jImej tlhoS 'e' vIta'laHbe'.
Say''eghmoHmeH pa'Daq bIQ tu'lu'. qabwIj vIHIvmoHmeH bIQ bIr vIlo'. bIQ bIr
vImuS, 'ach loQ muvemmoH. QongDaqvo' jImejmeH poH law' vInatlhpu'mo' DaH nIQ
vISopmeH poH vIHutlh. ghuy'cha'. DuSaQ vIghoS. pa' pIj Dal ghu'. Do'Ha'
jIQonglaHchu'be'. wa' jaj tlhoS jIQongchoH. muSuj ghojmoHwI', jatlh <SoHvaD
Dallaw' ghu'. Qu' wa'maH vagh yIta'!>. wejpuH.
SoQ nI' vIjatlh, 'ach qech rap lungaSlaH mu'mey puS: po jIvem 'e' vImuS,
jIQong 'e' vImaS.
qaSpa' DungluQ tlhIngan jIHbe'law' je jay'. pItlh. maj ram.
>
>pagh
>
wej Qongbogh HovqIj