tlhIngan-Hol Archive: Thu Aug 05 08:39:51 1999
[Date Prev][Date Next][Thread Prev][Thread Next]
Re: *muSHa'* yImuSHa'!
- From: Alan Anderson <[email protected]>
- Subject: Re: *muSHa'* yImuSHa'!
- Date: Thu, 5 Aug 99 10:03:06 EST
ja' SuSvaj:
>...Besides, how can you right love poetry
>without the proper words?
bang bom qonlu'taHvIS, potlhbej mu'mey. QapmeH bom, HoSnIS mu'mey.
qarnIS mu'mey. jeQnIS. vaQnIS. qech neHlu'bogh 'oSnISba' mu'
wIvlu'bogh.
yapbe' <muSHa'>. yapHa'. pujqu' mu'qoqvam. qech le' 'oSba'be'.
qetlhchu'. vaQHa'qu'. DIvI' Hol mu' Da. bangwI'vaD jIbommeH,
<muSHa'> vIlo'chugh, luj bomwIj. le'be' bom mu'meywIj. jIDojHa'.
bangvaD vIbomDI', HoSghajnISba' mu'mey jay'. meQtaHbogh 'Iw vIDelnIS.
jIlargh 'e' vIDelnIS. jImuSHa' 'e' neH vIDelchugh, pagh vIjatlhlaw'.
Doch law' 'oSlaHmo' mu'qoqvam lI'be', pagh 'oSchoHlaw'.
SKI: I do not believe the vague term "love" is a proper word to use
when writing love poetry.
-- ghunchu'wI' 'utlh