tlhIngan-Hol Archive: Tue Nov 17 22:10:10 1998
[Date Prev][Date Next][Thread Prev][Thread Next]
bo'DIjDaq jIQap
- From: SuSvaj <[email protected]>
- Subject: bo'DIjDaq jIQap
- Date: Wed, 18 Nov 1998 01:17:25 -0500
qaStaHvIS "March" jar, DujwIj 'o' qIp latlh Duj. qImbe'mo' Dujvetlh DeghwI'
qaS wanI'vam, 'ach "parkinglot"Daq wI'tu'lu'mo', "police" wIrI'laHbe'.
ghaHvaD De'wIj vInob, 'ej De'Daj vItlhap. pIch ghajbejmo', QIHwIj DIlnIS
'e' vIHar, 'ach "Insurance" malja'DajvaD QIm vIngeHDI' jImerbej.
"Insurance" malja'DajvaD nep DeghwI'. pIch vIghaj 'e' ja' ghaH vaj jIHvaD
Huch ngeHqangbe'. jIjang: "teHbe'!! DujwIj qIpDI', wanI'vam legh Soj Suy
qach Hung 'avwI', 'ej lutwIj 'ollaH ghaH." Do'Ha', 'Ijbe' "Insurance"
malja'. lutwIj Har neHbe'.
Qo'noS jIDabchugh, bortaS vIpoQlaH! betleH vIwoH, 'ej vIt toblaH vItHay'.
'ach tera' 'oHmo' yuQvam'e', bo'DIjDaq vIqaDnIS. toH, 'e' vIta'. 'ej
bo'DIj pa'Daq jIpawDI', wIvwI'vaD lutwIj vIjatlh. "Diagram"
vIchenmoHta'bogh vI'agh, 'ej wanI' vIDel. vIHtaHvIS DujwIj "lane"Daq
vItu'lu'bej. 'ach "lane"mey buSHa' DujwIj qIpbogh Duj DeghwI', 'e'
vIjatlh. jIvItbe' 'e' jatlh gholwI. 'ach wIvwI'vaD Soj Suy qach Hung
'avwI' "deposition" vInobDI', jIlughnIS 'e' wIv ghaH. yay vIghaj!
SuSvaj