tlhIngan-Hol Archive: Thu Nov 12 15:20:16 1998
[Date Prev][Date Next][Thread Prev][Thread Next]
Re: ghomI'
- From: Marc Ruehlaender <[email protected]>
- Subject: Re: ghomI'
- Date: Thu, 12 Nov 1998 17:20:07 CST
ja' charghwI':
>
> jorpu'ghach'a' nger Har tejpu'. ngervam vImuSchu'.
>
'u' nger wISaHtaHvIS, jIpo'be'.
> jorpu' 'u' mung, chIm 'u' net Har. Dat taH pagh. wa' DaqHomDaq
> jorlu'. jormo' nargh Hoch Hap. DaqHomvo' Haw'taH Hoch.
>
qaSpa' jorpu'ghach'a', SaHbe' 'u' net Har. nIb Dat 'u' je.
SachtaHvIS 'u', Hap moj HoS net Har.
> qatlh ngervam Harlu'? Harlu' Doqmo' Hovmey Hop.
>
> Doqmo' nuHaw' net Har. Hoch Haw'law' Hoch. Sachlaw' 'u'.
> Sachchugh vaj vay'vo' Sachlaw'. Daqvam 'oHnIS mung net Har.
>
bIlughbe'. mungDaj ngaSbe' Sachbogh moQ.
> jIQoch. chaq Doy'mo' lengpu'chu'bogh Hov wovtaHghach, DoqchoH.
>
Huj qechlIj. DoychoHlaH'a' wovtaHghach? jatlhlaH'a' je?
<<HoS SuqHa'.>> DaghItlh 'e' DaHech'a'?
> SuDtaHghach HoSghaj law' DoqtaHghach HoSghaj puS. qaSpu'DI' 'uy'
> DIS lengtaHvIS SuDtaHghach, Doy'choH 'ej DoqchoH. nap.
>
HoS SuqHa'chugh SuDtaHghach, HoS SuqnIS latlh vay'.
choHbe' 'u' HoS.
> Sachbe' 'uy'. not jor Hoch.
>
> chImbe' Hap 'ay'Hom joj. nom vIHchu'qu'chugh vay' vaj Dochvam
> wIleghlaHbe'. chImlaw'chugh Daq vaj vIHqu'wI' He 'oH Daqvam'e'.
> ghom Hap 'e' bot Hemey.
>
nger'e' lulajbogh tej DaSov'a'? 'oHvaD "Qunatum Mechanics" lupong.
Hap 'ay'Hom luSaHlu'meH, ngervam lo'laH law' ngerlIj lo'laH puS, 'e' vIQub.
chay' ngerlIj lutoblaH tej?
> buy' 'u'. vIH Hoch. vIHbe'lu'law'chugh vaj HeDon ghaj Doch
> bejlu'bogh bejwI' je. reH DIng Hap 'ay'Hom. *Point of
> turbulence* 'oH. 'u' chenmoH HeDon ghajbogh Hoch Dochmey.
> vaj taH 'u'mey law' 'ej Hemeymo' juSchuq Hoch 'u'mey.
>
> Daj ngerwIj 'e' DaHar'a'?
>
Dajbej 'ach nger mojmeH qejlIj, wItobnISlaH.
QeDqoq bom Daqon'a'?
Marc Ruehlaender
aka HomDoq
[email protected]