tlhIngan-Hol Archive: Tue Nov 10 11:12:36 1998
[Date Prev][Date Next][Thread Prev][Thread Next]
jaj cha'
- From: Alan Anderson <[email protected]>
- Subject: jaj cha'
- Date: Tue, 10 Nov 98 14:10:13 EST
taH DuSaQHom. pa' 'o'Daq jIba'taH; De'wI'wIj jIH vIleghlaH jIH neH.
DaHjaj po qep pa' lo'nISlaw'mo' ghom potlh, loQ mamIm maH.
SaHbe' ghomvetlh 'e' wItu'. chIm pa', vaj mamImnISbe'pu'.
'ach paSqu'mo' ghojmoHwI' mataghqa'laHbe'.
wa'maH vatlh rep maghojqa'lI' 'e' wInab.
Hut vatlh vaghmaH rep nurI' ghojmoHwI': QapHa'taH Duj.
<beQchu' rIHwI'. 'ul rarqang mebpa'mey beq. tugh jISaH.>
wa'maH vatlh cha'maH rep wej pawpu', vaj mebpa'mey loHwI' wIrI'.
QapHa'taHqu' Duj. wa'logh chu'lu' 'ach SIbI' mevqa' 'ej Qapqa'Qo'.
vaj 'IghwI' lupmeH tlheD wa' ghojwI' 'ej qachmajDaq qem.
DaHjaj ghojmoHwI' QaQ law' wa'Hu' ghojmoHwI' QaQ puS.
nabna' ghajchoHlaw'ta'. nab ta'chu'be'taH, 'ach ngoq Sov.
wa'Hu' Deghba'taHvIS qoH Damo', DaHjaj wej wIvuvlaH.
chaq wa'leS DotlhDaj Dubta'.
mapaSqu'mo' mataghDI', megh len wIbuSHa'.
mavumtaHmeH "Pizza" DISuq. maghojtaHvIS maSop.
toH, lenHom wItIvlI'. yaHwIj De'wI'Daq QInvam vIQay 'ej vIlab.
-- ghunchu'wI'