tlhIngan-Hol Archive: Tue Nov 03 10:26:50 1998
[Date Prev][Date Next][Thread Prev][Thread Next]
jInaj
- From: Terrence Donnelly <[email protected]>
- Subject: jInaj
- Date: Tue, 03 Nov 1998 12:25:40 -0600
wa'Hu' ram jInaj. Hujqu'. qaS qep'a' cha'maH vaghDIch. qep'a'Daq jeS
qo' naQ DabtaHbogh tlhIngan Hol jatlhwI'pu'. tlhoS jeS wejvatlh ghot.
*Branson, MO*-Daq qaS qep'a'.
qaSDI' leSpoH, *Meramec Caverns* (DIS tInqu') Such Hoch qep'a' jeSwI'pu'.
wutlhDaq chaHDI', tera'Daq chol lIy tu'be'pu'bogh. lIy taQbang vegh tera'.
Do'Ha' taQbang Hap 'oH pey'e'. tera' nganpu', qachmey je ngoS pey.
tlhoS Hegh Hoch.
'ach DIS HopDaq chaHtaHmo', Heghbe' qep'a' jeSwI'pu'. tera' ghorDaq cheghDI',
yay' 'ej mIS. 'It. Dat DI lulegh. 'ach taHnIS yIn. vengHom luchenmoH,
'ej pa' luDabtaH. qo' naQ luDabpu'mo', Hol law' jatlh. wa' Hol neH jatlhlaH
Hoch taHwI'pu'. Holvam 'oHba' tlhIngan Hol'e'. vaj vengHomDaq tlhIngan Hol
neH jatlhlu'.
qaS DIS puS. vengHom luDabtaH. vengHomvaD "Qo'noS chu'" lupong. Sach roghvaH.
Saw 'ej nay taHwI'pu' 'ej puqpu' boghmoH. puqpu' Hol wa'DIch 'oHbej
tlhIngan Hol'e'. QI'tu' luDab'a'? ghobe', qay'qu'mo' wa''e'. tlhIngan Hol
lujatlhtaHvIS puqpu', qarbe'. *TKD* lulaDQo'. mu' chu' 'oghtaH. mojaq
"-luH" lulo' jay'! "mojaqvam lo'luHchugh, vaj wIlo'bej" 'e' luvaq. puqpu'
HuptaH SoSchaj vavchaj je, 'ach 'oy' luSIQ. 'arghtaH ghu', 'ach pay' jIvem.
vISIv: jInaj neH, pagh maQmIgh 'oH'a'?
-- ter'eS