tlhIngan-Hol Archive: Sat Mar 14 23:04:26 1998
[Date Prev][Date Next][Thread Prev][Thread Next]
jupwI' chu'
- From: "William H. Martin" <[email protected]>
- Subject: jupwI' chu'
- Date: Sun, 15 Mar 1998 02:06:23 -0500 (Eastern Standard Time)
- Priority: NORMAL
wa'maH loSHu' jImI'ta'DI' pe'vIl DeSwIj 'uchchoH mI'wI' 'IH.
<QIn QuvwIj yIlaj 'ej yIlo'! QIn HIlab!> mura'. qaStaHvIS cha'
Hogh maghomqa'be' 'e' Sov 'ej qaSpa' wanI'vam maja'chuq neHlaw'.
jImer. mamI' 'e' vItIvqu' 'ach not juppu' DImoj 'e' vIpIH. QIn
yep vIlab. jup Dabogh QIn'e' mulI'. jup Dabogh QIn'e' vIlab.
jupna' Dabogh QIn'e' mulI'.
bangwI' moj neHchoH 'e' vISIv. <jup wImojlaw'. Segh DaneHbogh
yIngu'!> vIra'.
jIHvaD QIj <banglI' vImoj vIneHbe' 'ach mamI'taHvIS pe'vIl
parmaq vIneHchu'. Dunqu' mInDu'lIj 'ej vIleghchu' vIneH 'ej
mamI'taHvIS qa'uch vIneH. chotujmoH 'e' vItIv vIneH 'ach nIteb
juHwIj vIghoS vIneH.>
Dajqu' ghu'vam, qar'a'?
DaHjaj ram mamI' 'e' wIpIH 'ach qaSbe'bej wanI'vam. Daqmey pIm
wIghoS. QoQ chu'wI' Dun ghaj muSumbogh [and I will continue to
use this verb transitively until Okrand shows us how to use it]
mI'meH wanI'. mI'bogh jupDaj ngo' ghaj jupwI' chu' Sumbogh
mI'meH wanI''e'.
chaq wa'maH loSleS maghomqa'. mamI'meH jIloSlaH. jImonlaH je.
charghwI'